Tús Áite

Cuan Ó Seireadáin (Eagraí Polaitíochta Raidió na Gaeltachta); Conor McGuinness (Teachta Dála Shinn Féin i bPort Láirge); Séamus Martin (Iar Comhfhreagraí an Irish Times i Mosco); Conchúr Ó Muadaigh (Bainisteoir Abhcóidíochta Chonradh na Gaeilge);

Dúirt Vladmir Putin go bhfuil sé i bhfábhar sos cogaidh san Úcráin ach gur gá é a phlé níos mó le Meiriceá agus go bhfuil ceisteanna tábhachtacha ar gá a réiteach ar dtús. Labhair Seamus Martin, Iar Comfhreagraí an Irish Times i Mosco linn faoi seo.

De réir cáipéisí atá faighte ag Sinn Féin - dúirt oifigigh sa Roinn Airgeadais roimh an olltoghchán leis an tAire Airgeadais mar a bhí ann ag an am Jack Chambers go raibh an chsolúlacht ar an scéal go mbeadh an líon tithe a dtogfaí faoi dheireadh 2024 níos ísle ná 40,000. Bhí Conor McGuinness Teachta Dála Shinn Féin i bPort Láirge linn ar an gclár

D’fhógair Conradh na Gaeilge inniu tús le cás cúirt eile i gcoinne theip Fheidhmeannais Thuaisceart Éireann Straitéis Ghaeilge a thabhairt isteach. Labhair Bainisteoir Abhcódíochta Conradh na Gaeilge, Conchúr Ó Muadaigh linn faoi seo.

Eimear McGovern a bhí linn agus roinnt scéalta aici dúinn ó na nuactáin áitúil.

Bhí Cuan Ó Seireadáin, Eagraí Polaitíochta Raidió na Gaeltachta linn ó Mheiriceá agus é ag plé cuairt an Taoisigh fo Mheiriceá agus an méid a bhí le rá ag Donald Trump.

Síle Ní Choinceannain a bhí linn ar mhír na meán inniu. Grá ar an Trá, clár ar Virgin Media agus podchraoladh nua ag the Echo a bhí á phlé aici.

Tá sos cogaidh iomlán 30 lá molta ag Meiriceá agus an Úcráin. Phléamar seo le Niall Ó Muilleoir, Comhairleoir Gnóthaí Poiblí.

Tá an tAontas Eorpach le frithtairifí a ghearradh ar luach €26 billiun d’earraí as na Stáit Aontaithe mar gheall ar na taraifí atá gearrtha ag Uachtarán na tíre Donald Trump ar chruach agus alúmanam. Phléamar seo le Cynthia Ní Mhurchú, Feisire Eorpach de chuid Fhianna Fáil

Tá Sinn Féin ag cur i leith an rialtais go bhfuil siad ag dul siar ar gheallúint ceadú don diaspóra Éireannach vótaíl i dtoghcháin uachtarántachta. Phléamar an scéal seo le Donnchadh Ó Laoighre, Urlabhraí Gnóthaí Eachtrachta Shinn Féin.