Tús Áite

Tá fiosrúchán ar bun ag na Garda Síochána ó rinneadh ionsaí ar fhoirgintí poiblí aréir. Phléamar an scéal seo le Harry McGee, Comhfhreagraí Polaitíochta leis an Irish Times.

Tá an comhlacht micreashliseanna Intel chun fáil réidh le 15% dá n-oibrithe timpeall an domhain, de réir fógra ón gcomhlacht inniu. Phléamar seo le Conall Ó Móráin, Saineolaí Airgeadais agus láithreoir an phodchraoladh That Great Business Show.

Labhair an taighdeoir dochtúireachta Alexandra Philbin linn faoin Vaeilinsis agus staid na teanga.

Bhí ár nEagraí Spóirt Raidió na Gaeltachta linn beo ó bPáras arís inniu agus í ag tabhairt an scéal is déanaí dúinn ó na Cluichí Oilimpeacha.

Gearóidín Nic an Iomaire (Eagraí Spórt RnaG); Pa Daly, Urlabhraí Dlí & Cirt Shinn Féin); Áine Ní Chiaráin (Tráchtaire Polaitíochta); Niall Ó Muilleoir (Comhairleoir Gnóthaí Poiblí); Alexandra Philbin - Scoláire ag Ollscoil Valencia sa Spáinn a chuireann teangacha neamhfhorleathana chun cinn; Rob Ó Conchúir

Scéalta ón Kerryman, Anglo Celt agus Sligo Champion a bhí ag Rob Ó Conchúir dúinn ar Mír na Meán Áitúil inniu.

Tá an t-iriseoir Meiriceánach Evan Gershkovich, iriseoir don Wall Street Journal, i measc na bpríosúnach atá á scaoileadh ó ghéibheann sa Rúis sa mhalartú príosúnach is mó ó bhí an Cogadh Fuar ann. Labhair Niall Ó Muilleoir linn faoi seo.

Foilsíodh plean tithíochta Sinn Féin inniu agus labhair Pa Daly, Urlabharaí Dlí agus Cirt Shinn Féin linn faoi.

Polasaí tithíochta Sinn Féin agus rialaigh an Ardchúirt inniu go sáraíonn polasaithe an Rialtais cearta daonna iarrthóirí tearmainn a fhágtar gan dídean a bhí i measc na scéalta a bhí á phlé ag Áine Ní Chiaráin ar pholaitíocht an lae inniu.

Bhí Eagraí Spórt Raidió na Gaeltachta Gearóidín Nic an Iomaire linn beo ó bPáras agus í ag tráchtaireacht ar an dá babhta dheireanach don dornálaíocht idir Kellie Harrington agus Angie Paola Valdes.