នៅ​ថ្ងៃ​អង្គារ ទី២៤ មករា​នេះ ការិយាល័យ​អង្គការ​សហប្រជាជាតិ​ទទួលបន្ទុក​គ្រឿងញៀន និង​ឧក្រិដ្ឋកម្ម​ហៅ​កាត់​ជា​ភាសា​អង់គ្លេស UNODC បាន​ចេញ​ផ្សាយ​របាយការណ៍​មួយ​ស្តីពី​ការ​ជួញដូរ​មនុស្ស​ក្នុង​លោក។ UNODC បាន​លើក​ឡើង​នៅ​ក្នុង​របាយការណ៍​ថា ការ​ប្រែប្រួល​អាកាសធាតុ​ជា​កត្តា​ចម្បង​មួយ​ដែល​បាន​ធ្វើ​ឲ្យ​ការ​ជួញដូរ​មនុស្ស​កើន​ឡើង​កាន់​តែ​ខ្លាំង។ ក្រៅ​ពី​នេះ កត្តា​ផ្សេងៗ​ទៀត​ដូច​ជា​សង្រ្គាម ជម្លោះអាវុធ និង​កូវីដ១៩​ក៏​កំពុង​បន្ត​ផ្តល់​អំណោយផល​ល្អ និង​ភាព​ងាយស្រួល​ដល់​ក្រុម​អ្នក​ជួញ​ដូរ​មនុស្ស​ដែរ។