នៅ​ថ្ងៃ​អង្គារ ទី១៧ មករា អង្គការ​ទេសចរណ៍​ពិភពលោក​ហៅ​កាត់​ជា​ភាសា​អង់គ្លេស (UNWTO) បាន​ផ្សព្វផ្សាយ​របាយការណ៍​មួយ​ស្តីពី​ស្ថានភាព​វិស័យ​ទេសចរណ៍​ក្នុង​លោក​កាល​ពី​ឆ្នាំ ២០២២។ តាម UNWTO ក្រោយ​ពី​បាន​ធ្លាក់​ចុះ​ខ្លាំង និង​មាន​ភាព​រអាក់រអួល​ចំនួន ២ឆ្នាំ​មក វិស័យ​ទេសចរណ៍ពិភពលោក​បាន​ផ្តើម​ងើប​ឡើង​វិញ​ក្នុង​ឆ្នាំ ២០២២ ដោយ​មាន​ចំនួន​ភ្ញៀវទេសចរអន្តរជាតិ​ជាង ៩០០លាននាក់។ តែ​ចំនួន​នេះ​នៅ​តិច​ជាង​ឆ្ងាយ​បើ​ធៀប​នឹង​ពេល​មុន​ផ្ទុះ​វិបត្តិ​កូវីដ១៩។ យ៉ាង​ណា​ក៏​ដោយ UNWTO រំពឹង​មាន​កំណើន​ចំនួន​ភ្ញៀវទេសចរអន្តរជាតិ​បន្ថែម​ទៀត​ក្នុង​ឆ្នាំ ២០២៣ នេះ។