ឧត្តមស្នងការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​លោកស្រី​មីស្ហែល បាស្ហឺឡេ​បាន​បិទបញ្ចប់​ទស្សនកិច្ច​រយៈពេល ៦ថ្ងៃ​នៅ​ក្នុង​ប្រទេស​ចិន​នា​ថ្ងៃ​សៅរ៍ ទី២៨ ឧសភា។ នៅ​ក្នុង​ទស្សនកិច្ច​រយៈពេល ៦ថ្ងៃ លោកស្រីមីស្ហែល បាស្ហឺឡេ​បាន​ចូល​ជួប​ថ្នាក់ដឹកនាំ​ចិន​ជា​ច្រើន​រូប និង​បាន​ធ្វើ​ដំណើរ​ទៅ​កាន់​ទីកន្លែង​ជា​ច្រើន។ មុន​នឹង​ចាកចេញ​ពី​ប្រទេស​ចិន​ក្នុង​ថ្ងៃ​សៅរ៍ ទី២៨ ឧសភា លោកស្រី​មីស្ហែល បាស្ហឺឡេ​បាន​រៀបចំ​ធ្វើ​សន្និសីទកាសែត​មួយ​តាម​អនឡាញ​ដោយ​មាន​ការ​ចូលរួម​ពី​ក្រុម​អ្នកកាសែត។