ចាប់ពីថ្ងៃទី២៧សីហានេះ វេទិកាហ្រ្កូអិនឡង់ដ៍ នឹងបើកទ្វាររយៈពេល​២ថ្ងៃ នៅឯទីក្រុងនូក ដោយ​មានការចូលរួម ពីតំណាងអង្គទូត អ្នកជំនាញ​បរិស្ថានអាកាសធាតុ ព្រមទាំង​សហគ្រិនជាច្រើនរយនាក់។ នេះគឺជាវេទិកាមួយដ៏សំខាន់ ដែល​រដ្ឋាភិបាល​កោះហ្រ្កូអិនឡងដ៍ មានបំណង​ធ្វើឲ្យដែនដី​កោះដ៏ទឹកកកដ៏ធំនេះ មានតួនាទីសំខាន់ នៅ​ក្នុង​វាសនាអនាគតនៃតំបន់អាកទិក ឬប៉ូលខាងជើង។​ តំបន់ប៉ូលខាងជើង គឺជាតំបន់ដែល​ប្រឈមខ្លាំងបំផុត ដោយការកើនឡើងកំដៅផែនដី។ តែទន្ទឹមនឹងនេះ ការរលាយ​ផ្ទាំងទឹកកក ក៏បានបង្កើតឲ្យ​មាន​ឱកាស​សេដ្ឋកិច្ចថ្មី​ៗ​សម្រាប់​​តំបន់នេះដែរ។