Vikulokin

Gestir Vikulokanna eru Orri Páll Jóhannsson þingflokksformaður Vinstri grænna, Þórhildur Sunna Ævarsdóttir þingflokksformaður Pírata og Jón Gunnarsson þingmaður Sjálfstæðisflokks og fyrrverandi ráðherra. Þau ræddu brotthvarf Katrínar Jakobsdóttur úr embætti forsætisráðherra og yfirstandandi viðræður stjórnarflokkanna um áframhaldandi stjórnarsamstarf.

Umsjón: Höskuldur Kári Schram

Tæknimaður: Davíð Berndsen

Forsetakosningar, embætti forseta og hugsjón frambjóðenda eru til umræðu í þætti dagsins. Elísabet Kristín Jökulsdóttir, rithöfundur og fyrrverandi forsetaframbjóðandi, Friðjón Friðjónsson, borgarfulltrúi Sjálfstæðisflokksins og kosningaspegúlant, og Tómas Logi Hallgrímsson, fyrrverandi forsetaframbjóðandi, björgunarsveitarmaður og rafvirki, eru gestir Sunnu Valgerðardóttur. Tæknimaður þáttarins er Jón Þór Helgason.

Gestir Vikulokanna eru Inga Sæland formaður Flokks fólksins, Þórarinn Ingi Pétursson þingmaður Framsóknarflokks og Jón Steindór Valdimarsson varaþingmaður Viðreisnar. Þau ræddu breytingar á Búvörulögum, kaup Landsbankans á TM-tryggingum, stýrivexti og forsetaframboð.

Umsjón: Höskuldur Kári Schram

Tæknimaður: Jón Þór Helgason

Tæknimaður á Akureyri: Ágúst Ólafsson

Handhafar Blaðamannaverðlaunanna 2023 eru gestir þáttarins. Bjartmar Oddur Þeyr Alexanderson, Heimildinni, hlaut verðlaun fyrir rannsóknarblaðamennsku ársins. Jóhannes Kr. Kristjánsson, Reykjavík Media, sem fékk umfjöllun ársins. Margrét Marteinsdóttir, Heimildinni, sem tók viðtal ársins og Heimir Már Pétursson, fréttastofu Stöðvar 2 Vísis og Bylgjunnar, blaðamaður ársins. Þau ræða við Sunnu Valgerðardóttur um málin sem þau hlutu viðurkenningu fyrir, stöðu blaðamennsku í dag og líta aðeins um öxl. Tæknimaður þáttarins er Jón Þór Helgason.

Gestir Vikulokanna eru Halla Gunnarsdóttir stjórnarmaður í VR, Björn Ingi Hrafnsson fjölmiðlamaður og Sigríður Mogensen hagfræðingur og sviðsstjóri hjá Samtökum iðnaðarins. Þau ræddu umræðuna í kringum Söngvakeppni sjónvarpsins, útlendingamál, stöðu ríkisstjórnarinnar, mansalsmálið, efnahagsmál og stöðuna á vinnumarkaði.

Umsjón: Höskuldur Kári Schram

Tæknimaður: Kári Guðmundsson

Bryndís Haraldsdóttir, þingmaður Sjálfstæðisflokks og formaður allsherjar- og menntamálanefndar, Rósa Magnúsdóttir, prófessor í sagnfræði við Háskóla Íslands og sérfræðingur í málefnum Rússlands, og Þorgerður Katrín Gunnarsdóttir, formaður Viðreisnar og fyrrverandi menntamálaráðherra, eru gestir Sunnu Valgerðardóttur. Þær ræða menntamál, fjársvelt og úrelt menntakerfi, endurskoðun á styttingu framhaldsskólanámsins, áhrif stríðanna í heiminum á samfélagið, stöðuna í Rússlandi og varnarmál á Íslandi. Tæknimaður þáttarins er Jón Þór Helgason.

Gestir Vikulokanna eru Silja Bára Ómarsdóttir prófessor í stjórnmálafræði og formaður Rauða krossins á Íslandi, Drífa Snædal talskona Stígamóta og Birna Þórarinsdóttir framkvæmdastjóri Unicef á Íslandi. Þær ræddu útlendingamál, stöðuna í Úkraínu og á Gaza, forsetakosningarnar í Bandaríkjunum og kjaraviðræður.

Umsjón: Höskuldur Kári Schram

Tæknimaður: Kári Guðmundsson

Gestir þáttarins eru ýmist fyrrverandi eða núverandi fjölmiðlafólk. Aðalsteinn Kjartansson, varaformaður Blaðamannafélags Íslands og blaðamaður á Heimildinni, G. Pétur Matthíasson, upplýsingafulltrúi Vegagerðarinnar og fyrrverandi fréttamaður, og Rakel Þorbergsdóttir, samskiptaráðgjafi hjá NATÓ í Vilníus, og fyrrverandi fréttastjóri RÚV. Rætt er um aðgengismál fjölmiðla að Grindavík og hvernig málum hefur verið háttað í gegn um tíðina, upplýsingaóreiðu í heimsmálunum, stríð og gervigreind. Sunna Valgerðardóttir stýrir þættinum og tæknimaður er Jón Þór Helgason.

Gestir Vikulokanna eru Páll Valur Björnsson Grindvíkingur og fyrrverandi þingmaður, Þórdís Lóa Þórhallsdóttir forseti borgarstjórnar Reykjavíkur og Jón Gunnarsson þingmaður Sjálfstæðisflokks og fyrrverandi dómsmálaráðherra. Þau ræddu meðal annars stöðuna á Reykjanesskaga og aðgerðir stjórnvalda, áskoranir varðandi mikilvæga innviði og málefni innflytjenda og hælisleitenda.

Umsjón: Höskuldur Kári Schram.

Tæknimaður: Kári Guðmundsson