Í gær lagði forsætisráðherra fram þingsályktunartillögu um breytta skipan ráðuneyta í Stjórnarráði Íslands. Þá loksins er komin skýrari mynd á eina stærstu breytingu sem orðið hefur á stjórnarráðinu um langan tíma. Tvö ný ráðuneyti verða til, ráðuneyti háskóla, iðnaðar og nýsköpunar annars vegar og hins vegar ráðuneyti ferðamála, viðskipta og menningar. Þá eru gerðar misveigamiklar breytingar á málaflokkum allra annarra ráðuneyta nema fjármálaráðuneytis og heilbrigðisráðuneytis.

Skýringar sem gerðar eru á þessum breytingum eru kröfur um sveigjanleika og viðbragðsþrótt samhliða örum samfélagsbreytingum - eins og segir í þingsályktunartillögunni. Það vakti ekki síður athygli þegar tilkynnt var um uppskipan stjórnarráðsins og nýja ráðherra hve mörg ráðuneyti fóru á milli þeirra flokka sem mynda ríkisstjórn - og að einu ráðherrarnir sem héldu sínum ráðuneytum voru formenn flokkanna.

Talsverð eftirvænting var um hvaða flokkur fengi yfirráð yfir lykilráðuneytum á borð við heilbrigðisráðuneyti og umhverfisráðuneyti og þótti sá flutningur sem varð milli flokka til marks um breytta stefnu ríkisstjórnarinnar og mögulega átök sem hafa orðið í stjórnarmyndunarviðræðum. Það þótti veikleikamerki fyrir vinstri græn að þurfa að láta umhverfisráðuneytið af hendi til sjálfstæðisflokksins og sú niðurstaða að framsóknarflokkurinn hefði fengið heilbrigðisráðuneytið þótti lýsandi fyrir þann mikla stefnuágreining í málaflokknum sem var milli sjálfstæðismanna og vinstri grænna.

Gestir:

Gunnar Helgi Kristinsson stjórnmálafræðingur

Bryndís Haraldsdóttir þingmaður sjálfstæðisflokksins og formaður allsherjarnefndar,

Friðrik Jónsson formaður BHM sem er stéttarfélag stórshluta starfsfólks stjórnarráðsins

Umsjón: Sigríður Dögg Auðunsdóttir

Tæknimaður: Jón Þór Helgason

Alþingi greiddi atkvæði á fimmtudag með því að samþykkja öll 63 kjörbréf sem gefin hafa verið út og getur þingið þá loksins hafið störf, eftir að rúmir tveir mánuðir eru liðnir frá kosningum. Annað stórt fréttamál í vikunni er ill meðferð á svokölluðum blóðmerum sem þýsk dýraverndarsamtök sviptu hulunni af í nýrri heimildarmynd og hefur vakið hörð viðbrögð almennings.

Gestir:

Eiríkur Tómasson, fyrrverandi hæstaréttardómari

Þórunn Sveinbjarnardóttir, þingmaður Samfylkingarinnar

Telma Tómasson fréttamaður á Stöð 2 og hestakona

Umsjón: Sigríður Dögg Auðunsdóttir

Enn ein bylgja kórórónaveirufaraldursins ríður nú yfir landið svo enn þarf að grípa til hertra sóttvarnaaðgerða. Landspítalinn þarf að draga úr þjónustu og grípa til aðgerða til þess að geta sinnt bráðveikum COVID-sjúklingum og álag á starfsfólk spítalans eykst enn og fjöldi heilbrigðisstarfsfólks gefst upp og hættir. Fjárlög eru ekki enn komin fram þrátt fyrir að einungis sé rúmur mánuður þar til þau þarf að afgreiða frá Alþingi lögum samkvæmt og forstjórar ríkisstofnanna segja stöðuna valda óvissu.

Gestir þáttarins eru:

Víðir Reynisson, yfirlögregluþjónn almannavarnadeildar ríkislögreglustjóra

Willum Þór Þórsson, þingmaður Framsóknarflokksins og starfandi forseti Alþingis

Anna Sigrún Baldursdóttir, framkvæmdastjóri skrifstofu forstjóra Landspítala

Umsjón: Sigríður Dögg Auðunsdóttir

Gestir Vikulokanna voru Einar Bárðarson, framkvæmdastjóri Votlendissjóðs, Hanna Birna Kristjánsdóttir, ráðgjafi hjá UN Women, og Magnús Karl Magnússon, prófessor við læknadeild Háskóla Íslands. Rætt var um nýhertar sóttvarnaraðgerðir í ljósi metfjölda smita og samfélagsleg áhrif þeirra, stöðu Landspítalans og viðvarandi manneklu, loftslagsráðstefnuna í Glasgow, auglýsingu Íslandsstofu þar sem hent var gaman að Mark Zuckerberg og fleira.

Umsjón: Bergsteinn Sigurðsson

Tæknimaður: Jón Karl Helgason

Málefni þáttarins var umræðan um kynferðisbrotamenn og hvenær og hvort samfélagið sé tilbúið til þess að gefa gerendum í kynferðisofbeldismálum leyfi til þess að taka þátt í samfélaginu eftir brot og á hvaða forsendum það ætti að vera. Áhrif umræðunnar á þolendur kynferðisbrota og hvernig hægt sé að tryggja að þolendur stýri því hvernig umræðan fer fram.

Gestir Vikulokanna voru:

Sonja Ýr Þorbergsdóttir, formaður BSRB

Þóra Tómasdóttir, upplýsingafulltrúi Advania

Henry Alexander Henrysson siðfræðingur, aðjúnkt við HÍ.

Umsjón: Sigríður Dögg Auðunsdóttir

Gestir Vikulokanna voru borgarfulltrúarnir Pawel Bartoszek, Viðreisn, Katrín Atladóttir, Sjálfstæðisflokki, og Kolbrún Baldursdóttir, Flokki fólksins. Farið var vítt og breitt yfir borgarmálin, svo sem skipulagsmál, leikskóla og fleira.

Umsjón: Bergsteinn Sigurðsson

Gestir Vikulokanna eru allir nýir þingmenn; Arndís Anna K. Gunnarsdóttir, Pírötu, Ágúst Bjarni Garðarsson, Framsóknarflokki, Jódís Skúladóttir, Vinstri grænum, og Kristrún Frostadóttir, Samfylkingu. Rætt var um sölu Símans á Mílu til erlendra aðila og álitamál því tengd, stöðuna í norðausturkjördæmi og rannsókn kjörbréfanefndar á mistökum við talningu, stjórnarmyndunarviðræður og fleira.

Umsjón: Bergsteinn Sigurðsson