Gestir þáttarins eru Stefán Hrafn Hagalín upplýsingafulltrúi Landspítalans, Sigmundur Ernir Rúnarsson, nýráðinn ritstjóri Fréttablaðsins og Þorbjörg Þorvaldsdóttir formaður samtakanna 78. Rætt var um Hinsegin daga, sem féllu niður annað árið í röð vegna heimsfaraldursins og staðan tekin á réttindabaráttu hinsegin fólks, umdeilt bréf sem Stefán Hrafn skrifaði starfsfólki LSH um samskipti við fjölmiðla, stöðu heilbrigðiskerfisins, óvissu um skólahald o.fl.

Umsjón: Bergsteinn Sigurðsson

Björn Ingi Hrafnsson, Jóhannes Þór Skúlason og Karen Kjartansdóttir ræddu stöðu kórónuveirufaraldursins og möguleg áhrif hans á ferðaþjónustu og kosningarnar framundan. Umsjónarmaður var Magnús Geir Eyjólfsson.

Gestir þáttarins voru Jón Kaldal blaðamaður, Aðalheiður Ámundadóttir fréttastjóri á Fréttablaðinu og Friðjón Friðjónsson framkvæmdastjóri og frambjóðandi. Rætt var um nýjar samkomutakmarkanir, mál Gylfa Sigurðssonar knattspyrnumanns og komandi alþingiskosningar. Umsjónarmaður var Höskuldur Kári Schram

Gestir þáttarins í þetta sinn voru Birgitta Jónsdóttir, fyrrverandi þingmaður og þingskáld, eins og hún titlar sig í símaskránni, Eyja Margrét Brynjarsdóttir prófessor í heimspeki við Háskóla Íslands og Friðrik Jónsson formaður Bandalags háskólamanna, BHM.

Helstu umræðuefnin voru að skoða nýja stöðu í Covid málum eftir að haldinn var upplýsingafundur Almannavarna á fimmtudaginn, sá fyrsti í 49 daga, vegna aukinna smita. Svo var talað um nýjustu bylgju #metoo og til dæmis orða- og hugtakanotkun henni fylgjandi.

Að lokum var rætt um afleðingar og árangur styttingu vinnuvikunnar.

Umsjón Gunnar Hansson

Gunnar Haraldsson hagfræðingur, Viðar Eggertsson leikstjóri og Þóra Ásgeirsdóttir framkvæmdastjóri ræddu um stöðu efnahagsmála, bólusetningar, vöggustofumálið, skemmtanlífið í miðborg Reykjavíkur og EM í fótbolta.

Umsjón: Höskuldur Kári Schram. Tæknimaður Jón Þór Helgason.

Andrea Sigurðardóttir, viðskiptafræðingur og blaðamaður á Viðskiptablaðinu, Andrés Jónsson, almannatengill og stofnandi Góðra samskipta og Borgar Þór Einarsson, lögfræðingur og aðstoðarmaður utanríkisráðherra, ræddu stöðu efnahagsmála, uppgang á hlutabréfamarkaði og stöðuna í stjórnmálunum í aðdraganda þingkosninga. Umsjónarmaður var Magnús Geir Eyjólfsson.

Birna Guðmundsdóttir, deildarstjóri gagnagreiningar hjá Vinnumálastofnun, Diljá Mist Einarsdóttir, aðstoðarmaður utanríkisráðherra og Helga Rósa Másdóttir, hjúkrunardeildarstjóri á bráðamóttöku Landspítalans ræddu um bráðadeildina, heilbrigðiskerfi, atvinnuástand, þinglok og umræðu um kynbundið ofbeldi.

Umsjón: Anna Kristín Jónsdóttir

Tæknimaður: Jón Þór Helgason