សហភាពអាហ្រ្វិក​បើក​ជំនួបកំពូល​រយៈពេល ២ថ្ងៃ​ដោយ​ចាប់​ផ្តើម​ពី​ថ្ងៃ​សុក្រ ទី២៧ ឧសភា​នៅ​ក្នុង​ទីក្រុង​ម៉ាឡាបូ ប្រទេស​ហ្គីណេអេក្វាទ័រ។ ជំនួបកំពូល​នេះ​ត្រូវ​រៀបចំ​ជា​ពីរ​វគ្គ​ដោយ​វគ្គទី១ ផ្តោត​លើ​វិបត្តិ​ខ្វះស្បៀង និង​វគ្គទី២ ផ្តោត​លើ​បញ្ហា​ភេរវនិយម និង​បញ្ហា​រដ្ឋប្រហារ​ដែល​បាន​កើត​មាន​នៅ​ក្នុង​ប្រទេស​អាហ្វ្រិក​មួយ​ចំនួន។ តែ​វិបត្តិ​ខ្វះស្បៀង​ជា​ប្រធានបទ​បន្ទាន់​ខ្លាំង​ជាង​គេ​ដែល​សហភាពអាហ្រ្វិក​ត្រូវ​ដោះស្រាយ ខណៈ​ដែល​ពិភពលោក​កំពុង​ប្រឈម​នឹង​វិបត្តិ​ខ្វះ​ស្រូវសាលី​បង្ក​ឡើង​ដោយ​សង្រ្គាម​រុស្ស៊ី​ឈ្លានពាន​អ៊ុយក្រែន។