ប្រធាន​គណៈកម្មការ​អឺរ៉ុប​លោកស្រី​អួរស៊ូឡា វ៉ុនឌែរ ឡេយែន​បាន​ថ្លែង​សុន្ទរកថា​នយោបាយ​ប្រចាំ​ឆ្នាំ​នៅ​ក្នុង​សភា​អឺរ៉ុប​នា​ថ្ងៃ​ពុធ ទី១៤ កញ្ញា។ សុន្ទកថា​របស់​លោកស្រី​អួរស៊ូឡា វ៉ុនឌែរ ឡេយែន​បាន​ធ្វើ​ឡើង ខណៈ​ដែល​សង្រ្គាម​រុស្ស៊ី​ឈ្លានពាន​អ៊ុយក្រែន​កំពុង​បន្ត និង​ចំ​ពេល​ដែល​អឺរ៉ុប​កំពុង​ជួប​វិបត្តិ​ថាមពល។ នៅ​ក្នុង​សុន្ទរកថា ប្រធាន​គណៈកម្មការ​អឺរ៉ុប​បាន​លើក​ឡើង​នូវ​ប្រធានបទ​ជា​ច្រើន ក្នុង​នោះ​មាន​គម្រោង​ធ្វើ​កំណែទម្រង់​ស៊ីជម្រៅ​នៅ​លើ​វិស័យ​មួយ​ចំនួន ពិសេស​ទីផ្សារ​ថាមពល។ ដោយឡែក​ក្នុង​ថ្ងៃ​ពុធ​នេះ​ដែរ លោកស្រី​អួរស៊ូឡា វ៉ុនឌែរ ឡេយែន​បំពេញ​ទស្សនកិច្ច​ជា​ថ្មី​នៅ​ក្នុង​ប្រទេស​អ៊ុយក្រែន។