香港話劇團藝術總監潘惠森 （潘sir) 嘅最新作品《K 城故事》 ，點樣結合藝術科技，為觀眾帶嚟一場充滿詩意嘅沉浸式感官體驗呢？

大家聽過「輪椅體育舞蹈運動 」未呢？點解會加上 「體育」、「運動」呢？而「輪椅體育舞蹈運動 」同一般嘅「輪椅舞」又有無分別？

星期六晚9點，香港電台第二台，一齊打開《藝文谷》 呢本聽得嘅藝術文化雜誌啦！

舞台劇《青春印豐碑》 有20位理大合唱團嘅師生及校友、聯同廣東工業大學嘅表演者攜手合作，演繹一個同香港有關嘅動人故事。

霓虹燈招牌曾經成就香港璀璨夜景，而當代藝術展《霓雄》，展示跨代傳承，令傳統技藝以藝術手法延續落去。

概念藝術家河源溫，可能係其中一位最神秘嘅藝術家？佢點樣既自由又有規律咁，以當代創作手法，去發掘「存在」以及「時間」嘅觀念？佢嘅大型回顧展《自由之律 ，律之自由》 或者可以提供答案。

要將藝術家林建才嘅32頁繪本<小高的遊樂場>，變成一個80分鐘嘅音樂劇，編劇翁善瑩話靠嘅係乜嘢呢？要駕馭116位兒童及青少年演員唱、跳、演，導演陳港虹又有咩秘訣？

<小高的遊樂場>繪本音樂劇仲有一個特色，就係手語歌曲演繹，背後又有乜嘢想法？

人類學家張展鴻先後喺「味覺漫遊系列」，介紹小龍蝦呢種飲食文化喺美國、日本嘅發展故事，今次小龍蝦又去到邊一站呢？

答案，梗係留意今集《藝文谷》啦！

身體缺陷無令到唐詠然Apple停此發掘生命的可能性。她突破自身條件，一步步成為聾人畫家，而早前她去到英國進修藝術，啟發她在創作路上，走嘅路變得更廣更闊。

芭蕾舞呢種傳統西方表演藝術，在香港芭蕾舞團嘅演繹之下，加入好多中西合

《Giselle吉賽爾》係法國浪漫主義時期嘅作曲家Adolphe Adam亞杜夫.亞當嘅芭蕾舞劇，而呢個作品正正係香港芭蕾舞團2024-25年舞季嘅最後一個演出。到底港芭嘅版本有咩特別之處？周怡 Alexia (香港芭蕾舞團市場推廣總監)會喺節目介紹。

今個星期繼續同大家走入M+西展廳，了解畢加索─與亞洲對話展覽，黎穎Winnie (M+教學及詮釋策展人) 會介紹展場餘下兩個區域、重點展品、互動部份、活動嘅親子元素，仲有一個「特別安排」率先喺《藝文谷》公佈？

大家食日本菜食得多，但係去到日本食中華料理又係咪你嘅選擇呢？人類學家張展鴻喺『味覺漫遊』，會帶嚟日本中華料理嘅文化由來。

西班牙藝術家畢加索係二十世紀重要嘅藝術家之一，依家喺M+舉辦一個大型嘅展覽《畢加索─與亞洲對話》，我哋一齊走入展場，深入了解大師作品嘅珍貴之處。

近年大受歡迎嘅小龍蝦又名美國螯蝦，原產於美國東南部。以前日本人無食小龍蝦嘅習慣，追源溯始，人類學家張展鴻Sidney話可能同負責1916年日本大正天皇登基典禮晚宴嘅廚師有關！？

香港首次舉行中部非洲嘅藝術展覽，趙式慶以《召喚無形中部非洲藝術展》策展人身份，介紹19世紀至20世紀初期呢度嘅藝術文化傳統。究竟雕塑、面具及兵器三個領域，呈現到中非點樣嘅文化意涵？

有興趣嘅朋友，記得準時收聽節目喇！