Gia sco giuvna matta è ella stada ina ch'era gugent sur sasezza. Prender decisiuns – quai è adina stà ina chaussa ch'ella ha fatg gugent. Gist quai è vegnì dabun ad Agathe Kaufmann-Peng (65) en ses mastergn sco tgirunza. Era ch'ella ha tratg si duas mattas tut persula ha da far cun quai ch'ella sa tge ch'ella vul. Gada, Agathe u Agathli vegn ella numnada, tut tenor nua che ella è. Ses geniturs derivan da Val ma èn sa chasads a Tersnaus. Uschia sa mova ella gia dapi sia uffanza en dus linguatgs.