Sias ovras per il rumantsch èn legendaras e giganticas. L'um dals vocabularis sursilvans, cumplenescha quest onn ses 100avel anniversari.

En sasez era l'idea da discurrer cun «IL Decurtins» davart la vegliadetgna, l'art ed il misteri da vegnir vegls. Ses grond giubileum impressiunescha dentant pauc il linguist. Uschia che nus avain discutà davart l'intelligenza artifiziala, segundas abitaziuns, il mund da las medias ed il clima. «IL Decurtins» è anc cun 100 onns interessà, mirveglius ed eloquents, sco adina.