La lingua è insatge impurtant per Anna-Alice Dazzi. Ella saja in dals meds d'expressiun dals umans. E quai interessa e stat a cor a la romanista, linguista e mentura.

Passa 30 onns ha Anna-Alice Dazzi lavurà en differentas funcziuns tar la Lia Rumantscha e bunamain 10 onns sco linguista e coach tar RTR. Tar RTR ha ella gì la pussaivladad d'accumpagnar il svilup dals differents idioms. E qua ves'ins bunamain il meglier – forsa meglier che sin via – co la lingua sa sviluppescha, di Anna-Alice Dazzi en il Profil. E quai è fascinant, da participar a quest svilup e dad esser al puls da la lingua.