Ella è ina da las exponentas dal moviment dal 68 en Grischun ed ella è stada l'emprima dunna ch'ha candidà per la regenza grischuna. Anna Ratti (71) è creschida si a Malögia, sin il cunfin tranter rumantsch e talian, tranter sid e nord. Ella vesa sasezza sco in cas da cunfin cun in spiert d'aventuriera. La libraria Anna Ratti era ils onns 1970 activa a «Salecina», in center da furmaziun e vacanzas a Malögia ch'ha empruvà da realisar ils concepts dals sessantotgers. Ella ha candidà sco noviza il 1994 per la regenza ed ha pli tard fatg politica per la PS a Cuira. En il Profil raquinta ella da projects e conflicts, da quai ch'è per ella oz l'essenza da la vita, e daco ch'ella di ch'esser veglia saja in privilegi.