L'emprim disc cumpact da la Power Polka Band, in daletg per corp ed olma che fa magari quaida da sautar.

En l'emissiun preschentain nus l'emprim portatun da la Power Polka Band, ina furmaziun dal chantun da Soloturn. Dapi 11 onns sunan las 10 amaturas ed amaturs ensemen, e quai per la pli gronda part polcas. Il titel da lur emprim disc: Polkariert.

Els han emprendì d'enconuscher in l'auter en in champ da brass Band. Sunar polca saja in bun equiliber per la litteratura magari pretensiusa e greva da brass Band, uschia lur motivaziun.

Duas uras plainas cun chant da chors en in'emissiun communabla cun RTS.

La pandemia scurlatta ferm la scena da chant, ils chors e las associaziuns da chant. En l'emissiun discurrin nus davart ils problems che sa dattan, co che l'Uniun chantunala da chant dal Grischun po sustegnair ils chors e co ch'i stat en ils districts. Sco giast en l'emissiun è tranter auter Lucretia Bärtsch, la presidenta da l'Uniun da chant grischuna.

Igl è in'emissiun communabla cun RTS ed il comoderatur Jean-Marc Richard ha envidà l'ensemble «Singtonic» a Cuira. Dal Grischun è da la partida il chor da giuvenils «Incantanti». 

I dat dentant er bler chant da chors or da l'archiv da RTR, chors d'uffants, chors da dunnas, chors virils e chors maschadads che duain animar da chantar vinavant.

Ina saira cun musica populara en il Marsöl a Cuira.

Il 57avel inscunter da chapellas a Landquart è vegnì annullà er quest onn. Quai è atgnamain adina in dals eveniments impurtants en il chalender da la musica populara cun in grond public – e cun chapellas grischunas e da tuot la Svizra che sa scuntran per far musica. Perquai preschentain nus en l'Artg musical ina segunda part dal 22avel inscunter dals 18 da schaner dal 1986. Moderà ha Wysel Gyr, e vus udis chapellas e furmaziuns da num e da pum: las chapellas Via Mala, Landjägerbuebe Splügen, Rhygold ed Oberalp.

Ina perla or da noss archiv, registrada ils 18 da schaner 1986

Il 57avel inscunter da chapellas a Landquart ha stuì vegnir annullà er quest onn. Atgnamain è quai adina in dals eveniments impurtants en il chalender da la musica populara cun var 1'000 aspectaturas ed aspectaturs – e cun chapellas grischunas e da tut la Svizra che fan musica en il Forum im Ried a Landquart. Però, sco l'onn passà - er questa giada è stada la situaziun da corona memia difficila per far ina gronda sairada cun musica e divertiment.

Perquai preschentain nus in Artg cun ina registraziun da temps passads, ina perla da noss archiv, parts dal 22avel inscunter dals 18 da schaner dal 1986 en il Marsöl a Cuira ch'è sta blers onns il lieu per quel eveniment, l'emprima giada il 1965 sin iniziativa dal musicant e cumponist Hans Niederdorfer. Quella giada ha moderà ha Wysel Gyr, ina da las figuras impurtantas da la scena da la musica populara, surtut pervia da sia emissiun da televisiun «Für Stadt und Land». Vus udis chapellas e furmaziuns da num e da pum, grischunas, da tut la Svizra: las chapellas Grischuna, ils Schwyzerörgeli-Fründa Felsberg, ils Bündner Ländlerfründa e bleras autras.

En quell'ura ans deditgain nus en spezial a Niklaus Franz Bachmann, l'emprim general che las truppas svizras han gì.

Il Glarunais Bachmann ha giugà in'impurtanta rolla er per nossa bandiera svizra. Cun rescuvrir la crusch alva sin fund cotschen sco standarta e segn vesaivel da la patria per la schuldada ha el atgnamain tschentà il fundament per nossa bandiera naziunala.

Nus ans occupain en l'emissiun dal general Bachmann dentant er dad auters generals svizzers. Questas persunalitads ed auters eveniments da cumbat han inspirà divers cumponists da scriver marschs en onur u en memoria dad ellas.

El è gia tradiziun a Falera: il concert classic festiv per la fin da l'onn. Il dirigent Simon Camartin ha elegì in program varià inclusiv ina primaudiziun. 

Ils 29 da december 2021 ha il L'viv Philharmonic Orchestra da l'Ucraina concertà a Falera. Il dirigent Simon Camartin ha tranter auter er elegì l'ovra da Duri Sialm: Suita Sursilvana. Ina cumposiziun che Sialm ha scrit oriundamain per clavazin. Ella è stada d'udir per l'emprima giada.

Il dirigent Camartin ha er envidà solists indigens: Il chantadur Flurin Caduff ha persvadì cun diversas arias d'operas ed il clarinettist Josias Just ha fascinà cun il concert per clarinetta ed orchester en A-dur da Mozart.

Ina retrospectiva musicala sin las registraziuns che RTR ha pudì far l'onn passà.

L'onn da musica 2021 è stà signà sco bler auter da la pandemia. Pliras registraziuns planisadas avain nus da RTR stuì spustar u stritgar – perquai che las uniuns, societads da musica, chors etc. n'han betg pudì far las emprovas necessarias u ch'ils concerts u las festas n'han betg pudì vegnir realisadas.

Tuttina avain nus pudì far intginas registraziuns durant l'onn passà. In schatg da quellas vulain nus preschentar durant duas uras Artg musical. Tranter auter èn d'udir primaudiziuns, concerts da giubileums e premieras.

Ina retrospectiva musicala sin las registraziuns che RTR ha pudì far l'onn passà.

L'onn da musica 2021 è stà signà sco bler auter da la pandemia. Pliras registraziuns planisadas avain nus da RTR stuì spustar u stritgar – perquai che las uniuns, societads da musica, chors etc. n'han betg pudì far las emprovas necessarias u ch'ils concerts u las festas n'han betg pudì vegnir realisadas.

Tuttina avain nus pudì far intginas registraziuns durant l'onn passà. In schatg da quellas vulain nus preschentar durant duas uras Artg musical. Tranter auter èn d'udir primaudiziuns, concerts da giubileums e premieras.

Martha von Castelberg è naschida ils 5 d'avrigl 1892 a Turitg ed ha maridà il Sursilvan Victor von Castelberg (Mustér). Cumponer è stà sia passiun.

Gia baud ha ella survegnì instrucziun musicala. Ella ha emprendì la violina tar divers magisters. Il sunar clavazin ha ella emprendì a moda autodidactica ed uschia er survegnì gust da cumponer. Ella ha vivì en in temp nua ch'ins ha remartgà las dunnas en la musica sin il pli sco musicistas. Cumponistas han ins chattà da quai temp quasi sulet en claustras da dunnas. 

La gronda part da si'ovra cumpositorica è en spezial chant religius (chanzuns e motettas). Contact aveva Martha von Castelberg er cun poets rumantschs sco Alfons Tuor u Carli Fry. Sia simpatia per la cultura da la Surselva sa mussa er en chanzuns profanas che sa basan sin poesias d'auturs rumantschs.

Sylvia Caduff, naschida ils 7 da schaner 1937 a Cuira, ha atgnamain scrit istorgia ils onns 1960 sco dirigenta durant in temp che las dunnas n'avevan en Svizra anc gnanca il dretg da votar.

Sylvia Caduff è stada l'emprima dirigenta svizra che ha dastgà direger durant sia carriera intgins dals pli impurtants orchesters dal mund: New York Philharmonic Orchestra, Royal Philharmonic Orchestra Londra u ils Berliner Philharmoniker. 

Caduff ha era savì ch'ella stoppia mussar insatge extraordinari per avair ina schanza sco dunna en quest metier. Il meglier per cuntanscher quai era da gudagnar concurrenzas. Il 1966 ha ella gudagnà sco emprima dunna il premi «Dimitri Mitropoulos» a New York ed ha uschia lantschà sia carriera.