ផ្ទាំងគំនូរតាម​វត្តអារាមខ្មែរ​ចំនួន​៩០ផ្ទាំង ដែលដកស្រង់ចេញពី​ការសិក្សា​ស្រាវជ្រាវតាមវត្តអារាម​ចំនួនជាង៣០០០​ដោយអ្នកស្រាវជ្រាវបារាំង បានឆ្លុះបញ្ចាំង​អំពីទិដ្ឋភាពនៃដំណើរវិវត្តិរបស់ប្រទេស​កម្ពុជាឆ្ពោះទៅរក​ទំនើបភាព ទាំងផ្នែកសង្គម សាសនា សិល្បៈ នយោបាយ និងសេដ្ឋកិច្ច ជាពិសេស​នៅចន្លោះឆ្នាំ១៨៩០​ដល់ឆ្នាំ១៩៧០។  ពិព័រណ៍គំនូរក្រោមចំណងជើងថា​“ពណ៌ពី​អតីតកាល” នេះ កំពុង​តាំងបង្ហាញ​ជូនសាធារណជន នៅឯសារមន្ទីរ​សសរ នាទីក្រុងភ្នំពេញ រហូតដល់ចុង​ខែកញ្ញានេះ។