ពិព័រណ៌​ស្នាដៃ​ស្ថាបត្យ​កម្ម​នៅ​ឆ្នាំ​នេះ​ គឺ​ធ្វើ​ឡើង​រយៈ​ពេល​ពេញ​១ខែ ដោយ​ចាប់​ផ្តើមពី​ថ្ងៃទី​២០​មករា រហូត​ដល់​ថ្ងៃទី១៩​កុម្ភៈ​ខាង​មុខ​នេះ​។ ការ​តាំង​ពិព័រណ៌​នេះ​ធ្វើ​ឡើង ​នៅ​សារ​មន្ទីរ​ជាតិ​ សាកល​វិទ្យាល័យ​វិចិត្រ​សិល្បៈ និង​នៅ​វិទ្យា​ស្ថាន​បារាំង​ក្នុង​ទី​ក្រុង​ភ្នំពេញ។ ពិព័រណ៌​ដែល​មាន​ឈ្មោះ​ថា «ស្ថាបត្យកម្ម​ ទីក្រុង ​និងការ​ផ្លាស់ប្តូរ»នេះ គឺ​ជា​ការ​តាំង​បង្ហាញ​អំពី​អនាគត​នៃ​ពិភពលោក​ដែល​មាន​មនុស្ស​រស់​នៅ ដែល​រចនា​ឡើង​ដោយ​ស្ថាបត្យករ​ចំនួន​៤០ ​នាក់​ដែល​ចូលរួម​ប្រកួត​យក​ពាន​រង្វាន់​សកល​សម្រាប់​ស្ថាបត្យ​កម្ម​ប្រកប​ដោយ​និរន្តរ​ភាព​។