នៅរៀងរាល់ថ្ងៃទី១ នៃពិធីបុណ្យចូលឆ្នាំចិន-វៀតណាម ពលរដ្ឋខ្មែរជាប់ខ្សែស្រឡាយចិន-វៀតណាមតែងនាំគ្នាទៅវិហារចិនដើម្បីជាវអំពៅខ្មៅសម្រាប់បន់ស្រន់តាមជំនឿ និងទំនៀមទម្លាប់។ តាមពួកគេ ការបន់ស្រន់ដោយប្រើអំពៅខ្មៅនេះនាំឲ្យមានសេចក្តីសុខ និងលាភជ័យដល់គ្រួសារ។ ចំណែកអាជីវករលក់អំពៅខ្មៅបានបញ្ជាក់ថា អំពៅខ្មៅឆ្នាំនេះមានតម្លៃធូរថ្លៃជាងរាល់ឆ្នាំ ហើយក៏មានអ្នកទិញច្រើនគួរសម។