កម្ពស់ទឹកទន្លេនារដូវវស្សាឆ្នាំ ២០២៥ ហាក់កើនឡើងខ្ពស់ជាងរាល់ឆ្នាំដែលបានធ្វើឱ្យច្រាំងទន្លេលិចស្ទើរគ្មានសល់។ ចំណែកពលរដ្ឋខ្មែរ-អ៊ីស្លាមដែលរស់នៅលើទូកបានបង្ហាញក្តីបារម្ភពីបញ្ហាសុវត្ថិភាព ពិសេសគ្រួសារដែលមានកូនតូចៗដោយសារកម្ពស់ទឹកឆ្នាំនេះឡើងខ្ពស់ខ្លាំងពេក។ ក្រៅពីព្រួយបារម្ភរឿងសុវត្ថិភាព ពលរដ្ឋខ្មែរ-អ៊ីស្លាមក៏អះអាងពីការមិនអាចចេញទូកនេសាទបាន ដោយត្រូវរង់ចាំដល់ពេលទឹកស្រកទៅវិញ។ ករណីនេះបានធ្វើឱ្យប៉ះពាល់មួយកម្រិតដល់ជីវភាពរស់នៅរបស់គ្រួសារនីមួយៗ។