ប្រជាពលរដ្ឋ និងអ្នករកស៊ីមួយចំនួនក្នុងតំបន់ភូមិសាស្ត្ររាជធានីភ្នំពេញ បានត្អូញត្អែរជាថ្មីម្តងទៀតអំពីតម្លៃប្រេងសាំងឡើងថ្លៃក្នុងរយៈពេល២ថ្ងៃកន្លងមកនេះ។ ការត្អូញត្អែរនេះ កើតមានឡើងបន្ទាប់ពីតម្លៃប្រេងសាំងនៅតាមស្ថានីយប្រេងឥន្ទនៈ បន្តហក់ឡើងស្ទើតែ៥០០០រៀលទៅហើយក្នុងមួយលីត្រ។ ជាក់ស្តែង ពលរដ្ឋប៉ះពាល់មួយចំនួនបានអះអាងថា បញ្ហាសាំងឡើងថ្លៃនេះ កំពុងបង្កជាផលអវិជ្ជមានខ្លាំងដល់ការស្វែងរកប្រាក់ចំណូលចូលគ្រួសាររបស់ពួកគេ។ និងថា កំពុងធ្វើឱ្យពួកគេកាន់តែជួបការលំបាកមួយបន្ថែមទៀត ក្រៅតែពីជំងឺកូវីដ១៩។ ជុំវិញបញ្ហានេះ ពលរដ្ឋខាងដើមបានស្នើឱ្យរដ្ឋាភិបាលគិតគូរ ស្វែងរកដំណោះស្រាយណាមួយដើម្បីឱ្យតម្លៃសាំងកំពុងហក់ឡើងនេះអាចធ្លាក់ចុះមកវិញខ្លះៗ ដើម្បីជួយសម្រួលបន្ទុកជីវភាពគ្រួសាររបស់ពួកគេ។