ពលរដ្ឋរស់លើភ្នំដងរែកជិតច្រកព្រំដែនកម្ពុជា-ថៃជាំស្រងាំបានត្អូញត្អែរពីការលំបាកដោយសារតែគ្មានទឹកស្អាតប្រើប្រាស់ និងភ្លើងអគ្គិសនីគ្រប់គ្រាន់។ ពួកគេបានអះអាងពីការចំណាយលុយ ១៥ ០០០រៀលក្នុងមួយថ្ងៃដើម្បីទិញទឹកពីស្រះក្នុងវត្តនៅភូមិដែលពួកគេរស់នៅ។ ក្នុងន័យនេះ ពួកគេបានស្នើឲ្យរដ្ឋាភិបាល និងក្រសួងពាក់ព័ន្ធពិនិត្យមើលលទ្ធភាពក្នុងការរៀបចំតភ្ជាប់ប្រព័ន្ធទឹកស្អាត និងបណ្តាញភ្លើងអគ្គិសនីត្រឹមត្រូវ។