Bragðheimar

Bragðheimabínur brugðu á leik og buðu dönnuðustu frú landsins, Rúnu Friðriksdóttur (aka Rúnkenstein) og maddömunni sjálfri með ofvirkasta skjaldkirtilinn, Nadine Guðrúnu Yaghi út að borða. Smakkland var í boði Lólu Reykjavík og voru konur alls ekki sviknar. Svikinn héri var þó ekki á boðstólnum heldur besta fokkasía landsins og gómsætur framandi ítalskur matur. Hlustendur fá frekari lýsingu á upplifuninni og það með ítölskum túlki. 

Þetta, ketosis ástand, spennandi uppskriftir með aðstoð IKEA og mögulega einhverjir sleggjudómar að finna í nýjasta þætti Bragðheima. 

Bragðheimabínur fengu skemmtilega heimsókn frá enn einu fjöllistafreakinu. Gígja Hilmarsdóttir stundum þekkt sem Gígja klígja skólar lýðinn. Gígja leggur metnað í matreiðslu og framleiðslu, hún er röggsöm í lífi og leik og er talskona þess að skila eigi lötum mökum. Hækkum standardinn, borðum gott og eldum eftir Ottolenghi og fleiri sniðuga kokka með áhöldum frá IKEA.

Mættastar, smakkandi og traðkandi yfir lýðinn. Er of falleg hönnun veitingastöðum til falls, þarf Eva að hætta að troða söltuðum sítrónum upp í ******** á sér? Eru múmínálfarnir í útrýmingarhættu? Hvenær fáum við heilsubót í skyndibitaiðnaðinn? Afhverju er ísbíllinn ekki að hringja inn sumarið? Matarfréttir og svo margt fleira í ferskum Bragðheima þætti!

Smakkland fræðslusetur ögrar bragðlaukum og kynnist frábærum vínum með Arnóri Hreiðarssyni.

Líkt og saklausir skógarbirnir eru Bragðheima-bínur nýskriðnar úr dvala, með tryggt fæðuöryggi og spennta bragðlauka. Spennandi uppskriftir, ráðleggingar landlæknis, maturinn hans Adda-intro í Berlin, rop-keppni og margt fleira í fyrsta þætti seasons-ins.

Helga Sverrisdóttir er kona hokin af reynslu. Hún ólst upp á miklu menningarheimili þar sem norrænu áhrifin voru ríkjandi. Hún hefur lagt mikinn metnað í að fæða og klæða sitt fólk og gerir það af stakri prýði. Mikið svakalega var gaman að spjalla við þessa flottu konu og lífskúnstner.

Orkuverið og fjöllistadísin Eva Laufey Kjaran gerði sér ferð í höfuðstöðvar Bragðheima þar sem hún jós úr brunni sínum líkt og rósakáls súpunni sem hringir inn jólin á Akranesi. Ferðalagið hennar Evu, klassíkin hennar Evu og jólabakstur með Evu. 

Sigríður Kjaran Magnúsdóttir er ekkert eðlilega sjóuð og skemmtileg manneskja, með mikla reynslu og brennandi áhuga á matargerð. Hún hefur búið út um allan heim og sömuleiðis starfað í eldhúsum víða um heim. Sigríður er mjög nýtin, sniðug og iðin í eldhúsinu og haxmundarnir vella svoleiðis uppúr henni!

Við fáum að kynnast Siffa Haralds sem hefur heimsótt hátt í 600 veitingastaði hér á landi á síðustu 5 árum. Hröð en ítarleg yfirferð um helstu hverfis-laumurnar í Reykjavík og nágrenni, nýir eigendur á Yndisauka, njálgur á Kaffi Laugalæk og fleira sniðugt!

Bragðheimar eru uppi með sér eftir áhrifamikið spjall við ástríðukokkinn Pöttru Sriyanonge, sem deilir með hlustendum sinni listrænu nálgun á matreiðslu. Pattra elst upp við tælenska matargerð og sækir áhrifin mikið þaðan. Áhrifin sækir hún einnig frá þeim löndum sem hún hefur búið í, en þau eru ansi mörg. Pattra deilir með okkur rosalegum uppskriftum, Haxmundi Axeli og ýmsu fleira sem þú vilt ekki missa af.

Þátturinn er í boði Brauð & co, Blómstra, Ölgerðarinnar og Krónunnar.