Fjaldar peningaupphæddir, skattaundanførslir og peningahvítting.

Sunnukvøldið gjørdist Pandoraskjølini almenn - ein risastórur dátuleki við nærum 12 mió skjølum. Tey avdúkaðu nógv ivasom viðurskifti, hjá nøkrum av heimsins ríkastu og valdsmiklastu fólkum í tiltiknum skattaskjólum.

Og

Korona herjar aftur av álvara í Føroyum. Skúlaflokkar verða koyrdir í sóttarhald kring landið, og nøkur ellisheim avmarka aftur tey vitjandi.

95 koronutilburðir eru staðfestir seinastu vikuna. Vit spyrja tí: Skulu vit bakka og seta tiltøk í verk aftur? Ella skulu vit sleppa endanum heilt og lata smittuna ferðast frítt í samfelagnum? Og langt er millum tilmælini frá fiskifrøðini - savnað saman í ICES - og so einstøku strandalondini, sum hvør í sínum lagi fiska nógv meira av makreli, svartkjafti og norhavsild enn mælt verður til.

Í gjár legði Jørgen Niclasen fram fíggjarlógaruppskot fyri 2022, sum gevur 65 milliónir krónur í yvirskoti. Í játtanarkørmunum, sum vóru lagdir fram í vár, og sum annars skulu vera skabilónin fyri fíggjarlógaruppskotið um heystið, varð annars roknað við 63 milliónum krónum í undirskoti. Væl at merkja, tá átøk fyri 30 milliónir vórðu gjørd. Men hvussu bar tað til? Hví er nú brádliga yvirskot á fíggjarlógini? Og merkja svørtu tølini á botnlinjuni, at nú er landshúsarhaldið í góðum hondum? Tað spyrja vit Búskaparráðið, í dag umboðað av Johnny í Grótinum, búskaparfrøðingi og ráðslimi.

Løgtingið fer fyrrapartin at umrøða trý lógaruppskot frá andstøðuni, sum skulu tryggja rættindi hjá samkyndum kvinnum, ið vilja ættleiða børn. Skotið verður upp at broyta barsilslógina, rættargangslógina og lógina um "børns retsstilling", soleiðis at hugtakið "sammóður" eisini kann brúkast í Føroyum. Á Breddanum hyggja vit eftir hugtakinum og hvønn týdning tað hevur, umframt at vit meta um politisku avleiðingarnar av andstøðuuppskotinum. Mimi Steintórsdóttir, sakførari, greinar lógaruppskotini. Og Eirikur Lindenskov, blaðstjóri á Sosialinum, greinar politisku støðuna.

Úrslit frá stórari kanning um harðskap vórðu løgd fram í dag.

Meira enn ein triðingur, 36 prosent, av teimum spurdu hava verið fyri onkrum slagi av harðskapi. Og 23 prosent - ella meira enn fimti hvør - av teimum spurdu hava verið fyri kynsligum ágangi.

Tvey evni eru á Breddanum í dag.

Á øðrum sinni innan eitt ár, var ein amerikanskur uttanríkisráðharri í Danmark at mýkja sambondini við londini í ríkisfelagskapinum.

Anthony Blinken var á almennari vitjan og takkaði Danmark fyri sín innsats í arktis og fyri góða samstarvi við Føroyar og Grønland. Men hvat stendur eftir vitjanina í gjár, og hvør er Anthony Blinken.

Tað frætta vit meira um seinni í sendingini, tá vit tekna vangamynd av amerikanska uttanríkisráðharranum, og vit tosa við Jenis av Rana, landstýrismann í uttanríkismálum um hvat ítøkjuligt kom burturúr amerikansku vitjanini í gjár.

Samráðingarnar millum Føroya Pedagogfelag og Fíggjarmálaráðið standa í botni, og tí var neyðugt at senda boð eftir Semingsstovninum í farnu viku.

Hetta hendir samstundis sum dagstovnaøkið í Tórshavnar kommunu er merkt av ruðuleika, aftaná kreppufundir, uppsagnir og samhugasjúkrameldingar seinastu vikurnar.

Vit viðgera spentu støðuna á dagstovnaøkinum við Árna Gregersen, politiskum eygleiðara, og Maud Wang Hansen, fyrrverandi forkvinnu í Føroya Pedagogfelag.

Ferðaleiðarar

Ferðaleiðarar skulu leggja meirvirðisgjald á sítt virksemið.

May-Britt Skoradal, varadekanur og námslektari á Fróðskaparsetrinum, vardi fríggjadagin phd ritgerð sína við heitinum Football is medicine: Promoting healthy living and an effective means of preventing and treating lifestyle diseases.

Niðurstøðan í kanningini hjá May-Britt Skoradal er, at heilsufótbóltur hevur eina jaliga ávirkan á fólkaheilsuna.

Blóðtrýst, kolesterol og blóðsukur fall hjá teimum, ið vóru við í kanningini. Og beinagrindin styrknaði, feittmassin minkaði og vøddamegin vaks.

Fyri viku síðani legði Heri á Rógvi fram temafrágreiðing hja Búskaparráðnum um starvsfólkatørvin næstu 10 árini á vælferðarøkinum. Niðurstøðan er greið - stórar avbjóðingar eru á eldra-, heilsu- og barnamenningarøkinum. Vit tosa við Hera á Rógvi um tørvin á dagstovnaøkinum.