Breddin

Alt bendir á, at 34 ára gamli Múte Bourup Egede úr IA gerst næsti landsstýrisformaður í Grønlandi. Men hvussu vil tað ávirka grønlendskan politikk?

Vit tosa við Trine Juncher Jørgensen, redaktør á Sermitsiaq.

Uttanlandsnevndin hjá løgtinginum gevur landssstýrismanninum heimild at samráðast við donsku stjórnina um eitt "nøktandi úrslit" í radaramálinum.´Men hvat er eitt "nøktandi úrslit", og hava vit yvirhøvur rætt at krevja nakað afturfyri eina felags verju?

Stórar upphæddir eru fluttar millum feløg í Framherja-samtakinum í Føroyum og feløg hjá Samherja á Kypros. Og ábendingar eru eisini um, at føroyska felagið Framherji er stýrt úr Íslandi - í stríð við føroyska fiskivinnulóggávu.

Landstingsval er í Grønlandi í dag. Tilsamans 41.041 fólk hava valrætt, og skulu tey velja 31 fólk í landstingið. 189 valevni bjóða seg fram.

Sjey flokkar eru at velja ímillum - teir eru Siumut, Inuit Ataqatiggit, Demokraatit, Naleraq, Nunatta Qitornai, Atassut og nýggi Samstarvsflokkurin Suleqatigiissitsisut, ið fyrstu ferð stillaði upp á landstingsvalinum í 2018.

Í gjár fall dómur í einum av størstu málinum um kynsliga misnýtslu í Føroyum.

Ein 42 ára gamal maður bleiv dømdur trý ára fongsulsrevsing fyri at hava kynsliga misnýtt tríggjar dreingir í hálvt triðja ár frá 2017 til desember 2019.

Dómurin er munandi stytri enn tey átta árini, sum ákæruvaldið kravdi.

Men hví er so stórur munur á kravinum hjá ákæruvaldinum og dóminum?

Jógvan Elias Winther Poulsen, advokatur, vitjar í útvarpsstovuni, og tingmennirnir Aksel V. Johannesen og Christian Andreasen kjakast um revsilógina.

Ein minuttur og átjan sekund av upptøku, sum elvdu til at Føroyar knappliga komu í altjóða miðlar.

Nærum hálvtannað ár hava partarnir bíða eftir at royna málið í rættinum, men tveir dagar áðrenn Umhvørvis- og Vinnumálaráðið og Kringvarp Føroya skuldu í rættin, valdi Umhvørvis- og Vinnumálaráðið at sleppa málinum um fútabann.

Nógv rok hevur verið um upptøkuna, sum landsstýrið legði fútabann á. Tí kom upptøkan ólógliga til vega? Og var fútabannið brot á tælufrælsi og pressufrælsi?

120 børn í Føroyum eru umsorganaryvirtikin í Føroyu. Tað vil siga, at tey eru fjernað frá foreldrunum.

Upplýsingarnir vaktu ans í tinginum í gjár, og meiningarnar eru ymiskar, um tað er ov nógv ella ov fá.

Rósa Samuelsen, tingkvinna fyri Sambandsflokkin, og Djóni Nolsøe Joensen, tingmaður fyri Javnaðarflokkin, vitja í útvarpsstovuni, og tosa vit eisini við Annu Dam, løgfrøðing í Barnaverndarstovuni.

Sjálvstýri uttan formann

Tað kemur javnan fyri, at føroyskir borgarar verða sendir av landinum at sita í varðhaldi, tí umstøðurnar eru ikki nóg góðar í Føroyum.

- Hetta er ein sera stórur trupulleiki og eitt tekin um,  at fongsulsviðurskiftini í Føroyum eru ikki nøktandi, sigur Katrin á Neystabø, aðalskrivari í Amnesty International Føroyum.

Umframt Katrin á Neystabø tosa vit við Jógvan Páll Lassen, advokat, Heðin Askham, virkandi deildarleiðari í Arrestini, og Michael Boolsen, fúta.

Bústaðarpakkin

Er Norðurlandaráðið bert ein kaffiklubbi við ongari ávirkan, ella er tað eitt meiningsfult samstarv tvørtur um landamark?

Vit nýta Norðurlandadagin í dag sum høvi at hyggja nærri at norðurlendska samstarvinum, og hvønn týdning tað hevur fyri okkum. 

Vit tosa við Kristinu Háfoss, stjóra í Norðurlandaráðnum,  Turid Christophersen, forkvinna í Norrøna felagnum, og Kaj Leo Holm Johannesen, landsstýrismann í norðurlandamálum. 

Písk ella gularót

Tvey evni eru á breddanum í dag.

Várfrágreiðing hjá Búskaparráðnum

Búskaparráðið legði várfrágreiðingina fram í dag. Í frágreiðingini stendur millum annað, at ferðavinnan í løtuni siglir í tungum sjógvi, og tí hevur brúk fyri einum hjálparpakka.

Trý evni eru í Breddanum í dag.

Summarið 2021

Tað dregur út at koppseta føroyingar fyri koronu. Kanska verða vit ikki øll koppsett á jóansøku, sum ætlanin hevur verið.

Merkir tað, at summarið 2021 er í vanda, nú koppsetingin ikki gongur so skjótt sum ætlað? Og hvussu verður við festivalum og tiltøkum í summar? Fleiri festivalar kunngera longu nú nøvn, sum skulu á pall í summar Ber tað til at skipa fyri einum festivali undir so óstøðugum viðurskiftum?