Aftur nú er útboð til eina vindmyllulund, sum skal standa klár longu í oktober. Men eru útboðini nóg væl skipað?

Kamaratvokaturin mælti landsstýrinum til at sleppa kæruni av málinum móti North West Pelagic og kamaradvokaturin mælti landsstýrinum til at kæra málið um tilfeingisgjald av hýruni hjá fiskimonnum. Hvat er kamaradvokaturin, hvønn leiklut hevur hann og hvat brúka vit hann til?

Rúsevnini floyma um landið. Hvørji ávaringartekin skulu foreldur og aðrir umsorganarpersónar vera varug við og hvør er fyrbirgjandi leikluturin hjá foreldrum og umsorganarpersónum annars.

Grovur harðskapur, buturflytingar og alsamt størri mongdir av hørðum rúsevnum hava skapt yvirskriftir í nýggja árinum. Hvussu basa vit hesum? Ella er tað yvirhøvur møguligt. Skulu vit rokna við, at hetta bara er partur av nýggja gerandisdegnum? Løgmaður, Fútin, SSP ráðgevi og sálarviðgeri umrøða evnið í útvarpsstovuni.

Fiskimálaráðið tapti móti Northwest Pelagic í málinum um, hvør hevði ræði á felagnum og harvið fiskiloyvinum. Men hvussu tryggja vit at útlendskir minnilutaeigarar ikki taka ræðið á føroyskari fiskivinnu?

So hendi tað loksins - tunlarnir norður um Fjall skulu gerast. Men hvat merkir tað fyri fólkið, sum býr á staðnum og sum hava bíðað í fleiri ár eftir nýggjum farleiðum? Vit lodda dýpið.

Danir vilja byggja radara í Føroyum. Landsstýrismaðurin í uttanríkismálum hevur nú fingið eina skrivliga frágreiðing frá dønum, sum útleggur ætlaninar. Hvat skulu danir avgera, hvat skulu føroyingar og í hvønn mun eigur løgtingið at verða tikið við upp á ráð. Limir í uttanlandsnevndini kjakast um ætlaninar.

Er rottan í Sandoy og hvussu skulu vit forða fyri, at rotta kemur á tær oyggjar har hon ikki er nú? Tað er nakað sum Umhvørvisstovan roynir at fáa greiðu á.

Í gjár stemplaði Joe Biden inn til arbeiðis í Hvítu húsunum, og á arbeiðsborðinum í forsetaskrivstovuni lá ein stakkur av kunngerðum, klárar at undirskriva. Men hvat kann ein forseti gera av sínum eintingum og er tað bara galdandi til ein nýggjur forseti kemur?

Tað, og meira aftrat fáa vit greiðu á um eina løtu saman við Erik Løksagarð Absalonsen og Sjúrða Skaale.

Joe Bide varð í dag svorðin í eið, sum forseti í USA, og tekur við eftir Donald Trump, sum hevur verið forseti síðstu fýra árini.

Vit hyggja eftir nøkrum av politisku avrikunum hjá fráfarandi forsetanum og hvat stendir eftir honum nú fýra ár við Trump eru komin at enda.

Eisini fara vit at kaga fram í tíðina, hvørjar avbjóðingar standa fyri framman hjá nýggja forsetanum Joe Biden.

Kommunur og vinnulívið finnast hvassliga at uppskotinum um kunngerð, sum skal avmarka óljóð frá skipum við bryggju. Uppskotið er óbrúkiligt og kann avhøvda alla vinnu, siga kommunurnar og vinnan, men tær ásanna, at okkurt má gerast. Landsstýrismaðurin í Umvhørvis- og Vinnumálum, næstformaðurin í Kommunufelagnum, og forkvinnan í áhugafelagnum Heimafriði vitja í útvarpsstovuni.

Og

Mikudagin í síðstu viku lupu viðhaldsfólk hjá Trump á Capitol Hill í Washington.

Mótmælisfólk troðkaðu seg síðan inn í lóggávutingið, ið skuldi góðkenna úrslitið á forsetavalinum.

Sosialir miðlar hava síðan sløkt fríu mikrofonina hjá forsetanum í USA.

Luttakarar: Eydna Skaale, retorikari, Sigri Gaini, ph.d.-lesandi, Jógvan Poulsen, útvarpsstjóri, Rógvi Olavson, samfelagsfrøðingur, og Beate Samuelsen, fyrrverandi blaðstjóri á Dimmalætting

Umleið sjey milliónir krónur.

Tað kostar koppingarevnið til allar føroyingar.

Rokningina rindar danski ríkiskassin.

Vit eiga sjálvi at rinda alla rokningina, heldur tingkvinna fyri Tjóðveldi.

Landsstýrismaðurin í heilsumálum heldur, at hetta er ein av fyrimununum við at vera í ríkisfelagsskapi.

Heimaundirvísing og fólkaskúlin

Fyri skjótt einum ári síðan varð skúlastovurnar fluttar á talgilda samskiftispallin.

Hvussu hevur tað ávirkað næmingarnar?

Jóansøkan í ár verður nakað serligt.

Tí eftir ætlanini hjá koppsetingarbólkinum hjá landsstýrinum, so er tað á jóansøku, at allir føroyingar eru koppsettir fyri koronu.

Og tað fer at gera, at summarið í ár verður munandi øðrvísi enn summarið í fjør.

Breddin hyggur niður í nýggju koppingarætlanina hjá koppsetingarbólkinum.

Fleiri frábrigdi av koronu

Tað er bara ein spurningur um tíð, til bretska frábrigdið av koronu kemur til Føroya, siga myndugleikarnir.

Men hvat er tað? Og hvørji frábrigdi av koronu hava tey funnið?

MSC góðkenningin fyri sildafiskiskap og svartkjaft verður tikin aftur 30. desember.

Orsøkin er, at veiðan hjá Føroyum og hinum strandarlondunum ikki longur er burðadygg. Ov nógv hevur verðið fiskað av sild og svartkjafti í mun til vísindaligu tilmælini frá ICES, sigur Marine Stewardship Council.

Sambært MSC, fiskaðu strandarlondini - eisini Føroyar - 32 prosent meira sild í 2019 enn ICES mælti til.

Men vinnan er ymisk á máli um avleiðingarnar av mistu MSC góðkenningini. Rìkisfelagsskapurin