ព្រះបរមរាជវាំង​បាន​បើក​ឲ្យភ្ញៀវ​ទេសចរ​ចូល​ទស្សនា​ឡើងវិញ​ ចាប់ពី​ថ្ងៃទី១​ខែធ្នូ​មក​ម្លេះ ​ក្រោយផ្អាក​មួយ​​រយៈ​ដោយសារ​វិបត្តិជំងឺកូវីដ១៩។​ ប៉ុន្តែ​ការបើក​ឲ្យចូល​ទស្សនា​នេះ ​តម្រូវ​ឲ្យភ្ញៀវទេសចរ​ត្រូវអនុវត្ត​នូវ​វិធានការ​សុខាភិបាលមួយ​ចំនួន​ ដើម្បី​បង្ការ​ជំងឺកូវីដ១៩ ​ដូចជា​តម្រូវ​ឲ្យពាក់ម៉ាស់ ​និង​មាន​ការ​វាស់កម្ដៅ​ជាដើម​។ សម្រាប់​អ្នក​នាំភ្ញៀវទេសចរ​ ការ​តម្រូវ​ឲ្យអនុវត្ត​នូវវិធានការ​សុខាភិបាល​មួយ​ចំនួន​មក​លើភ្ញៀវទេសចរ​ គឺជារឿងល្អ ​មិនមែន​ជាឧបសគ្គ​សម្រាប់ភ្ញៀវទេសចរឡើយ។​