ទី​ភ្នាក់ងារ​ឧត្តម​សិក្សា​និយាយ​ភាសា​បារាំង​ AUF​ បាន​ផ្តល់​រង្វាន់​មក​កាន់​ព្រះតេជគុណ​ ថុន ស៊ីផាត​ ម្ចាស់​ជ័យ​លាភី​លេខ​៣​ ពី​ការ​ប្រកួត​គំនូរ​ឌីជីថល​ដែល​បាន​ចូល​រួម​ប្រកួត​ជា​មួយ​បណ្តា​ប្រទេស​ចំនួន​៤​ផ្សេង​ទៀត​ក្នុង​តំបន់​អាស៊ី​-ប៉ាស៊ីហ្វិក។​ ជ័យ​លាភី​នេះ ​គឺ​ជា​ជោគ​ជ័យ​ដំបូង​របស់​ព្រះតេជគុណ​ ចំពោះ​ការ​ប្រកួត​កម្រិត​តំបន់​ និង​បាន​សរ​បញ្ជាក់​អំពី​សមត្ថភាព​របស់​ព្រះ​អង្គ​ចំពោះ​ការ​សិក្សា​នា​ពេល​កន្លង​មក។​ ជា​និស្សិត​ឆ្នាំ​ទី៤​ ផ្នែក​គំនូរ​សាគមនាគមន៍​នៃ​សាកលវិទ្យាល័យ​ភូមិន្ទ​វិចិត្រ​សិល្បៈ ​ព្រះអង្គ​នឹង​បន្ត​ចូល​រួម​ប្រកួត​ទៀត​ ប្រ​សិន​បើ​មាន​ឱកាស​ទៅ​ថ្ងៃ​ខាង​មុខ។​