នៅ​ក្នុង​នាទី​ជីវិត​ជោគ​ជ័យ​ ថ្ងៃ​នេះ​ អ៊ឹង ប៊ុនថន​ សូម​បង្ហាញ​ពី​ប្រវត្តិ​ លោក​ព្រឹទ្ធា​ចារ្យ​ អ៊ីវ​ ហួត​ ដែល​ត្រូវ​បាន​ប្រសិទ្ធ​នាម​ថា​ «កវី​ដង​ប៉ាកា​ប្រាក់»​។​ ទោះ​ជា​ធ្លាប់​ធ្វើ​ការ​និង​រស់​នៅ​ស្រុក​បារាំង​រាប់​សិប​ឆ្នាំ​ក្តី​តែ​កវី​និពន្ធ​អាយុ​៨៣​ឆ្នាំ​រូប​នេះ​តែង​តែ​សរសេរ​កំ​ណាព្យ​ទាក់​ទង​នឹង​ ពាក្យ​កាព្យ​ខ្មែរ ​វប្បធម៌ ​និង​អំពី​ប្រាង្គ​ប្រាសាទ​នានា​នៅ​តំបន់​អង្គរ​។​ ទីប្រឹក្សា​សមាគម​អ្នក​និពន្ធ​ខ្មែរ​ លោក​ អ៊ីវ​ ហួត​ ចាត់​ទុក​ កំ​ណាព្យ​ប្រៀប​បាន​នឹង​ឱសថ​ ដែល​ឲ្យ​លោក​បន្ត​រស់​តទៅ​ទៀត​។