El vala sco in dals pli versads pilots d'aviuns senza motor, el fa sgols acrobatics, sgols a lunga distanza ed el è sgulà ina giada sin passa 9'000 meters sur terra.Gia sco mat è Christian Flütsch stà fascinà dals aviuns senza motor che partivan e sa platgavan a la plazza aviatica a Samedan, nua ch'el è creschì si. Ed anc oz di el: «Sgular aviuns senza motor è tut auter ch'aviuns cun motor – e jau sun in fervent pilot d'aviuns senza motor.»Sgulà è l'um da 70 onns durant sia vita surtut en l'Engiadina ed en Svizra, dentant era en l'Australia. Là esi reussì ad el da sgular passa 1'000 kilometers cun in aviun senza motor. Ed en Frantscha, nua ch'ina unda d'in vent ferm al ha transportà sin passa 9'000 meters sur terra.Christian Flütsch è dentant era fascinà dad aviuns da model, ha scuvert avant curt il chantar ed è stà l'atun a pestgar ad Alasca.