នៅក្នុងនាទីជីវិតជោគជ័យ​របស់​វិទ្យុយើងនៅពេលនេះ សួង សុខភារី សូមណែនាំលោកអ្នក​នាង ឱ្យបានស្គាល់​ពីកីឡាករកាយវប្បកម្ម​ម្នាក់ គឺ ឆឹង ណូរ៉ា។ កីឡាករ ឆឹង ណូរ៉ា ទើប​ទទួលបាន​មេដាយ​មាស​ពីព្រឹត្តិការណ៍ប្រកួតកីឡាកាយវប្បកម្ម និងលំហាត់ប្រាណអាស៊ី លើកទី៥៤ ឆ្នាំ២០២២ (54th Asian Bodybuilding and Physique Sports Championship-2022) នៅលើ​កោះម៉ាឌីវ។ ជាអ្នក​ស្រុក​មក​ពីខេត្តព្រះវិហារ ដែលផ្តើម​ចេញពីរូបរាងតូចស្តើង មិនមានសាច់ដុំ រហូតអាចក្លាយជាម្ចាស់មេដាយ​មាសផ្នែកកីឡាកាយវប្បកម្ម​បាន គឺ កីឡាករ ណូរ៉ា បញ្ជាក់ថា មានតែប្រឹងប្រែងហ្វឹកហាត់ បូករួមនឹង​ការអត្តចរិតល្អទេ ទើប​អាចធ្វើឱ្យ​គេមានជីវិតប្រែប្រួល​វិជ្ជមានបែបនេះ។