រមណីយដ្ឋានកៀនស្វាយក្រៅជាតំបន់រមណីយដ្ឋានមួយដែលមានលក្ខណៈធម្មជាតិ និងពេញនិយមសម្រាប់ភ្ញៀវទេសចរជាតិ និងអន្ដរជាតិ។ នៅទីនោះមានលក់ម្ហូបអាហារ បន្លែ និងផ្លែឈើថ្មីៗ។ ចំណែកនៅសងខាងទន្លេមានអមដោយកញ្ចុះដែលភ្ញៀវទេសចរអ្នកជួលអង្គុយកំសាន្ត និងបរិភោគអាហារ។ តែគេបានសង្កេតឃើញថា តំបន់ទេសចរណ៍មួយនេះមានភាពស្ងាត់ជ្រងំ ពិសេសនៅក្នុងថ្ងៃធ្វើការ។ អ្នកលក់ចំណីអាហារ តាមទូកនេះត្អូញត្អែរពីការលក់មិនសូវដាច់ព្រោះអ្នកលក់ច្រើនជាងអ្នកទិញ។