No programa 223 do COMO QUE NON?! temos á marabillosa Lucía Rodríguez de convidada que vai ter que enfrontarse á presentación dun magazine moi especial do que non ten nin idea, claro... Ademais temos a música en directo de Queco Lago, acompañado á percusión por Rodrigo Valiente que nos vai interpretar o seu single "Clímax". Dani Lorenzopresenta unha nova Efeméride Aleatoria. Fran Rodríguez e J. Pablo Sangiao estarán quecendo por se hai que comentar algo e falaremos por teléfono con Pepe Capelán que recunca coa súa sección Capelán Conta. Todo isto e máis presentado por Carlos Tresandí ."

No programa 222 do COMO QUE NON?! temos unha ESTREA MUNDIAL. Por primeira vez vai soar o novo single de Carla Lourdes titulado "Papel para Almodóvar". Escoitaremos a versión acústica co acompañamento de Raúl Ben á guitarra. Por outra banda, Noa García acompáñanos por última semana e vai enfrontarse a un reto: facer de reporteira no noso novo espazo Galicia Directo contará coa axuda de Fran Rodríguez. O Criticador J. Pablo Sangiao ten que analizar esta semana un tema de Quevedo. Alejandro Martínez "Pini" volve comentar unha nova Efeméirde Aleatoria. Carla Mañas estará tamén no programa e Dani Lorenzo prometeunos que, a semana que vén, volve á acción así como Pepe Capelán. Todo isto e moito máis dirixido por Carlos Tresandí

No programa 221 do COMO QUE NON?! Noa García vai participar no Concurso CQN buscando facerse un oco na gran final de temporada. Volve o Museo Mutante con Fran Rodríguez que hoxe vai sobre unha das grandes películas da historia do cinema. Alejandro Martínez "Pini" analizará unha nova data nas nosas Efemérides Aleatorias. J. Pablo Sangiao e Carla Mañas estarán atentos para apuntar o que faga falta e a música en directo correrá a cargop de Carla Lourdes e Raúl Ben que nos interpretan a dúo a ranchera "Ámbar". Dirixe e presenta Carlos Tresandí.

No programa 220 do COMO QUE NON?! recibimos a Noa García que nos vai contar a súas experiencias como reporteira no Malicia Noticias, no Fun polo Aire ou no programa Aquí la Tierra. Ademais está de volta no estudio Fran Rodríguez tralo seu periplo andaluz e vén disposto a recuperar o tempo perdido. Carla Mañas volve cunha nova sección de Carla CalZeta. Alejandro Martínez "Pini" non nos vai deixar sen a nosa ración de Efemérides Aleatorias. Falamos con Pepe Capelán dun Congreso Veterinario... e non é broma. Acompáñanos como cada semana J. Pablo Sangiao e a música en directo está protagonizada este episodio por Carla Lourdes, acompañada á guitarra por Raúl Ben, que nos interpreta o seu tema "Platónico". Dirixe e presenta Carlos Tresandí!

Último programa no que nos vai acompañar Rafa Durán nesta sexta temporada no que vai descubrir se é un delincuente ou non grazas ao Mundo Paquitof de Dani Lorenzo. J. Pablo Sangiao ten que analizar a performance AAA-AAA de Marina Abramovic como lle soliciotu hai tres episodios Miriam Rodríguez. Alejandro Martínez "Pini" volve analizar unha Efeméride Aleatoria. E Carla Mañas estará atenta a todo o que se desenvolva no programa. A música en directo volve poñela Valentín Dacova que nesta ocasión nos vai interpretar en rigoroso directo o tema "Malabares". Dirixe e presenta Carlos Tresandí.

Rafa Durán volve recuncar no programa neste episodio 218 participando no Concurso CQN e tentando clasificarse para a gran final ao remate da temporada. Contará coa axuda de membros do equipo como J. Pablo Sangiao ou Dani Lorenzo. Carla Mañas volve cunha nova edición de Carla Calzeta na que nos vai explicar como se liga na Xeración Zeta. Alejandro Martínez "Pini" volve analizar unha nova Efeméride Aleatoria e Valentín Dacova pon a música en directo no programa interpretando un novo tema titulado "Azulejos". Dirixe e presenta Carlos Tresandí

No episodio 217 do COMO QUE NON?! recibimos a Rafa Durán despois de tres temporadas sen pasar polo programa. Imos aproveitar as súas dotes como animador de público e convencións para propoñerlle a sección Moito Ánimo, Rafa. Imos xogar con Pepe Capelán, co que conectaremos por vía telefónica para ver se adiviña quen é o noso convidado de hoxe. Alejandro Martínez"Pini" non defrauda e continua coas súas Efemérides Aleatorias. Dani Lorenzo, Carla Mañas e J. Pablo Sangiao darán o mellor que teñen durante o percorrido do programa e a música en directo ven da man de Valentín Dacova que nos presenta o seu máis recente sinxelo: "El juicio de los grajos". Dirixe e presenta Carlos Tresandí

O programa 216 do COMO QUE NON?! despide a Miriam Rodríguez tralo seu paso polo programa como convidada non se antes deixar unha petición moi especial para J. Pablo Sangiao que hoxe vai analizar a serie OS NOVOS na súa sección de O Criticador. Dani Lorenzo convértese no mellor imitador de animais internacionais do universo no seu Mundo Paquitof. Alejandro Martínez "Pini" continua desenvolvendo Efemárides Aleatorias un programa máis. Falaremos en directo con Fran Rodríguez que volve marchar ao sul de España e conectaremos por teléfono con Pepe Capelán. Acompañaranos Carla Mañas como ven sendo habitual e a música en directo do programa volve poñela La Banda del Cuarto que estrean o seu tema "Cenizas". Dirixe e presenta Carlos Tresandí.

Por sexto ano consecutivo, o Como Que Non?! volve co seu Especial de Fin de Ano con todo o equipo do programa en La Luthería de Le BarLuthier presentando as súas seccións habituais diante de público en directo tres anos despois.

As Izquierdo Sisters (Lucía Veiga & Marita Martínez) regresan tras 365 días para ofrecernos un novo exercicio de Impro Radiofónica. A música do programa vai correr a cargo de Miriam Rodríguez, Chucho González e David Sangiao, ou o que é o mesmo La Banda del Cuarto.

E , por se fose pouco, Pepe Capelán volve co CCC, Fran Rodríguez ten un Museo Mutante moi especial, Dani Lorenzo e o seu Mundo Paquitof, Carla Mañas presenta Carla CalZeta, J. Pablo Sangiao analiza unha nova peza audiovisual no Criticador e Alejandro Martínez "Pini" explicará unha nova Efeméride Aleatoria. E para rematar, uns Todólog@s moi especial onde os membros do equipo rememorarán algún momento audivisual que lles quedase na cabeza.

Todo isto, presentado e dirixido por Carlos Tresandí. Despedimos 2022 no Como Que Non?!

Neste episodio do COMO QUE NON?! Miriam Rodríguez recunca para participar no Concurso CQN e vai formar parte de La Banda del Cuarto xunto a J. Pablo Sangiao, David Sangiao e Chucho González que poñen a música en directo do programa interpretando unha versión do " A mil kilómetros de ti". Carla Mañas volve coa súa sección Carla Calzeta onde vai propoñernos un test para ver cal dos Jonas Brothers somos os membros do equipo. Efemérides Aleatorias con Alejandro Martínez" Pini", Pepe Capelán que segue a buscar a entrada do estudio e Dani Lorenzo que vai aportar os seus coñecementos ao programa. Todo isto dirixido por Carlos Tresandí.