No Episodio 27 da 5G do COMO QUE NON?! recibimos a Xosé Manuel Montes "Hermanager", humorista gráfico, representante e avogado! Participará connosco nunha sección na que o equipo e o propio Xosé Manuel terán que enfrontarse a casos xudiciais na sección VIRIDICTO! Ademais, Carlos Tresandí vai contactar vía telefónica cun Neanderthal que se acaba de descubrir que deixou unha cova en Francia tan só uns meses antes de que chegasen os Homo Sapiens. Alejandro Martínez "Pini" regresa cunha nova Efeméride Aleatoria. Fran Rodríguez, Pepe Capelán, Fernando RqR e Dani Lorenzo aseguraranse de que non falte o bo rollo coas súas intervencións e a música en directo corre a cargo de Cedecé e Rober Carcos que nos interpretan o tema "Todo pasa por algo".

No Episodio 26 da 5G do COMO QUE NON?! Óscar Rosende participa nuns Todólog@s moi especiais que resulta despois de que Dani Lorenzo nos ofreza no seu Mundo Paquitoff información sobre a festa máis estúpida da historia... que por certo, volveunos tolos... Ademais, Fernando RqR preparou un Camaleón moi especial no que vai analizar ao noso convidado Óscar Rosende cun convidado moi especial. Alejandro Martínez "Pini" volve cunha nova Efeméride Aleatoria. Fran Rodríguez e Pepe Capelán están dispostos a puntualizar o que faga falta e a música en directo corre a cargo de Ari Magritte que nos interpreta o tema "Isla de Paz". Coma sempre, dirixe e presenta Carlos Tresandí.

No Episodio 25 da 5G do COMO QUE NON?! Óscar Rosende xoga connosco ao Concurso 5G mentres se prepara para o seu concerto en Vigo o 20 de maio de 2022 coa súa banda Great Straits. Dani Lorenzo, Fernando RqR e Pepe Capelán estarán dipsostos a axudar ás cuestión que propoña no xogo o malévolo Carlos Tresandí. Fran Rodríguez volve cun Museo Mutante no que imos falar dos Masters do Universo. Alejandro Martínez "Pini" volve analizar unha Efeméride Aleatoria. A música EN DIRECTOvolve estar a cargo do noso convidado Óscar Rosende que nos ofrece unha versión EN DIRECTO do mítico "Romeo & Juliet" dos Dire Straits."

No Episodio 24 da 5G do COMO QUE NON?! volve ao programa o Knofler galego, Óscar Rosende, que en tres semanas está en Vigo para dar un dos concertos da xira "The Great Song of Dire Straits" coa súa banda Great Straits. E probaremos os seus coñecementos sobre a banda propoñéndolle o concurso "Sabes máis cun Markknofler de primaria?" Ademais VOLVE o Consultorio Capelán Contesta con Pepe Capelán. Dani Lorenzo, Fernando RqR e Fran Rodríguez estarán achegando todo o seu coñecemento ao programa e teremos, coma sempre, unha Efeméride Aleatoria analizada por Alejandro Martínez "Pini". A música EN DIRECTO, non podía ser doutro xeito, vén da man do noso convidado Óscar Rosende, que nos interpreta o tema "Where Do You Think You´re Going?". Dirixe e presenta Carlos Tresandí.

No Episodio 23 do COMO QUE NON?! Bea Serén participa nuns TODÓLOG@S no que o noso oínte Dani Patas pregunta se preferimos teleportarnos ou ler mentes. Dani Lorenzo trae ao seu Mundo Paquitof a historia da Portsmouth Sinfonia, a peor orquestra do mundo. Fernando RqR volve co seu Camaleón para atender a petición que lle fixo hai tres episodios Belén Vara. Alejandro Martínez "Pini" analizará unha nova Efeméride Aleatoria. Prometémoslle a Pepe Capelán que no vindeiro episodio volverá o CCC. Fran Rodríguez segue a manter os contidos do programa a raia. A parte musical está protagonizada por Cedecé, acompañado nesta ocasión por Rober Carcos, que nos interpreta EN DIRECTO o tema "Por mucho que me duela". Dirixe e presenta, Carlos Tresandí.

No Episodio 22 do COMO QUE NON?! volve Bea Serén ao programa para participar nunha nova edición do Concurso 5G onde todo o equipo (Pepe Capelán, Fernando RqR, Dani Lorenzo) estarán dispostos a botarlle unha man para acadar a máxima puntuación. Fran Rodríguez volve abrir o seu Museo Mutante e vén amosarnos unha das súas pezas de museo máis espectaculares. Que non vexa a luz da lúa chea, se tal... Alejandro Martínez "Pini" analizará unha nova Efeméride Aleatoria. E para poñer o broche musical, acode ao programa o artista Cedecé, que vén interpretarnos o tema: "Amor al revés". Dirixe e presenta Carlos Tresandí.

No Episodio 21 do COMO QUE NON?! recibimos a Bea Serén despois de 2 tempadas sen pasar polo programa. Bea ten sona de trampulleira no COMO QUE NON?! Hoxe ímola poñer a proba. Dani Lorenzo non dá chegado ao programa porque ten un coche mal aparcado fronte ao seu garaxe! Estará finalmente no programa? Seguiremos a evolución da noticia minuto a minuto. Alejandro Martínez "Pini" non deixa un episodio sen analizar unha Efeméride Aleatoria. Carlos Tresandí fala cun can galego que visitou o primeiro cine para cans que abriron en Manchester. Fernando RqR, Fran Rodríguez e Pepe Capelán preparados para poñer nunha situación complicada a nosa convidada e Tincho Fernán interprétanos en directo o seu tema "Vigo" con Nuria González aos coros e Andrés Cunha á guitarra.

No Episodio 20 do COMO QUE NON?! recunca Belén Vara por derradeira vez ao COMO QUE NON?! para participar nuns TODÓLOG@S, onde discutimos se sodes partidarios ou non de meter comida de fóra nos cines. Dani Lorenzo trae ao MUDO PAQUITOF o cine do destape. Fernando RqR vai cumprir a petición que Adela Bértolo lle pediu hai tres episodios no seu CAMALEÓN. A Efeméride ALeatoria de Alejandro Martínez "Pini" non pode faltar! Pepe Capelán e Fran Rodríguez estarán á expectativa do que o programa e Carlos Tresandí necesiten para levar o episodio a bo porto. E regresa Tincho Fernán, acompañado por Andrés Cunha á guitarra e Nuria González aos coros, interpretando EN RIGOROSO DIRECTO o tema: "Buena Suerte".

No Episodio 19 do COMO QUE NON?! volve Belén Vara ao programa para tentar facerse co primeiro posto do noso Concurso 5G e chegar á Gran Final do último programa da tempada. Ademais, abriremos o Museo Mutante con Fran Rodríguez achegándonos unhas cantas xoias da súa colección persoal dunha serie de animación de Matt Groening... Deixamos que adivIñedes o futuro e descubrades de que serie se trata. Por outra banda, Alejandro Martínez "Pini" analizará outra Efeméride Aleatoria. Pepe Capelán, Dani Lorenzo e Fernando RqR estarán prestos para botar un cable en canta sexa necesario. E hoxe volve ao programa Tincho Fernán, acompañado por Andrés Cunha á guitarra e Nuria González aos coros, interpretando EN RIGOROSO DIRECTO o tema: "Llegaste así".

No Episodio 18 da 5G, o equipo do programa recibe a Belén Vara, que se vai enfrontar a unha proba inesperada para ela: vai converterse en narradora deportiva! E que deportes! Carlos Tresandí interésase polo que lle pasou a Plutón desde que non é planeta. Alejandro Martínez"Pini" analizará unha nova Efeméride Aleatoria. Fran Rodríguez, Dani Lorenzo, Fernando RqR estarán incorporando o seu saber facer durante o programa e a ver se hai tempo de facer un CCC con Pepe Capelán. No apartado musical, acompáñannos por última vez Los Mortymer, que neste episodio interpretan EN RIGOROSO DIRECTO unha versión en galego do mítico `Bule Bule´.