No Episodio 17 da 5G, Adela Bértolo recunca no programa para formar parte duns Todólog@s moi especial no que falaremos de se é preferible viaxar en autocaravana ou pola contra ir de mochileo, proposta do noso oínte Dani Patas. Dani Lorenzo tráenos un Mundo Paquitof de dous rombos, onde falaremos de títulos de películas clasificadas 'S'. No Camaleón, Fernando RqR vai realizar a sección solicitada por Ari Magritte sobre queixas do consumidor... ou o que lle pete... Alejandro Martínez "Pini" volve cunha Efeméride Aleatoria. Fran Rodríguez e Pepe Capelán acompañarán no que sexa mester a Carlos Tresandí e a música en directo corre a cargo de Los Mortymer, que este episodio interpretan EN RIGOROSO DIRECTO o tema do seu último traballo `Menú Degustación´ titulado "The Witch"

No Episodio 16 da 5G, Carlos Tresandí recibe a Adela Bértolo no programa que vai protagonizar o seu propio late night de radio: "O Ollo Vago". Haberá consultas e máis cousas da man dos nosos colaboradores. Pepe Capelán regresa á presencialidade xunto a Fran Rodríguez, Fernando RqR e Dani Lorenzo. Alejandro Martínez "Pini" analizará unha semana máis unha Efeméride Aleatoria escollida ao chou polo noso xerador de números aleatorios. A música corre a cargo de Los Mortymer, o grupo composto por Joselo García, Javier Garea e Ariel Rodríguez, que interpretan en RIGOROSO DIRECTO o tema 'PELOTAS'.

No Episodio 15 da 5G, Carlos Tresandí tentará conectar por teléfono con Pepe Capelán, que xa case está recuperado para a volta á presencialidade no seguinte episodio. Ari Magritte continúa unha semana máis connosco e formará parte da nosa sección de debate ao chou: @s Todólog@s . Hoxe o noso oínte Andrés Romero proponnos a pregunta: credes na reencarnación? A ver que sae de aí... Fernando RqR vén facer unha análise lírica do feito de ter fillos en O Camaleón que inaugura, ademais, sección a demanda d@ convidad@. Dani Lorenzo abre o seu Mundo Paquitof para falarnos da Editorial Bruguera, o Guai e Chicha, Tato e Clodoveo entroutros; axudará na análise Fran Rodríguez. Teremos outra Efeméride Aleatoria de Alejandro Martínez "Pini" protagonizada por Sisebuto e a sección musical corre a cargo de Rober Carcos, que nos adianta EN RIGOROSO DIRECTO un tema do seu próximo disco SAMSARA, que sairá en poucas semanas. A canción titúlase "Quemamos Madrid".

No Episodio 14 da 5G, abrimos unha nova edición do Consultorio Capelán Contesta, pero non co titular habitual da sección, Pepe Capelán, que segue un pouco pachucho. Hoxe vén substituílo Popó Capelín. Ari Magritte continúa connosco e participará no Concurso 5G. Fran Rodríguez abre unha nova edición do Museo Mutante adentrándonos na Dimensión Descoñecida. Máis Efemérides Aleatorias de Alejandro Martínez "Pini" e Dani Lorenzo e Fernando RqR seguirán atentos ás evolucións do programa para o que faga falta. A sección musical corre a cargo de Rober Carcos e Tincho Fernán que nos presentan EN RIGOROSO DIRECTO o tema "Otra vez". Dirixe e presenta Carlos Tresandí.

No Episodio 13 da 5G, recibimos a Ari Magritte no programa para falar con ela e, de paso, que nos bote as cartas do seu Oráculo ao equipo. Pepe Capelán anda pachucho e mandounos unha mensaxe desculpando a súa ausencia. Carlos Tresandí fala por teléfono cunha piraña que busca o perdón da sociedade. Alejandro Martínez "Pini" analizará unha nova Efeméride Aleatoria que sairá ao chou do noso Xerador de Números Aleatorios. Volve á presencialidade Fernando Rqr e Fran Rodríguez & Dani Lorenzo estarán ao quite co que faga falta. E hoxe presentamos o single que vén de estrear Roma Música ("Algunas Veces"), acompañada á guitarra do noso amigo Rober Carcos

No episodio 12 da 5G, Carlos Tresandí recibe por última vez a Raquel Saínza como convidada. Ela e o resto do equipo participarán nunha nova edición dos Todólog@s no que debaterán sobre un tema escollido ao chou e proposto pola audiencia. Dani Lorenzo transmuta a súa sección Cinema Paquitof en Paquitof Sobre Branco e vén falarnos dos míticos libros da Colección Ardilla. Fernando RqR volve coa súa sección O Camaléon a través de conexión telefónica na súa última semana de teletraballo por baixa de paternidade; a semana que vén volve á presencialidade. Alejandro Martínez "Pini" analizará a Efeméride Aleatoria que lle toque. Pepe Capelán e Fran Rodríguez estarán atentos para puntualizar o que sexa e a música EN DIRECTO virá da man de Valentín Dacova que hoxe nos ofrece o tema 'Rosa'.

No Episodio 11 da 5G, Carlos Tresandí volve recibir a Raquel Saínza como convidada nun episodio onde xogará ao Concurso 5G tentando levar unha puntuación que a clasifique para a Gran Final. Ademais, Fran Rodríguez abre un novo Museo Mutante que nos dará para falar de grandes criaturas fílmicas e das súas distintas versións. Alejandro Martínez "Pini" volve debullar unha nova Efeméride Aleatoria. Pepe Capelán e Dani Lorenzo achegarán toda a súa sabedoría e bo facer cando sexa mester. Fernando RqR continúa de baixa de paternidade pero prometemos recuperalo para o vindeiro episodio. A música EN DIRECTO volve poñela Valentín Dacova que hoxe nos ofrece o tema "Damasiado Astuta"

No Episodio 10 da 5G, visítanos Raquel Saínza, reporteira do Quen Anda Aí, que vai facernos unha análise do estilo estético de Fernando RqR, o colaborador máis in do programa que hoxe se atopa de baixa paternal. Alejandro Martínez "Pini" ofrecerá unha nova Efeméride Aleatoria. Fran Rodríguez, Pepe Capelán e Dani Lorenzo estarán atentos ao que poida acontecer durante o programa e a nota musical vai poñela Valentín Dacova que nos interpreta en rigoroso directo un dos seus últimos temas: "Partida y Regreso". Dirixe e presenta Carlos Tresandí.

No Episodio 9 da 5G, Pedro Pablo Alonso visítanos por última vez desde "Ao Contraataque" e vai participar dunha nova edición dos TODÓLOGOS onde o equipo do programa e mais el debatirá sobre un tema proposto pola audiencia escollido ao chou. Ademais volve CINEMA PAQUITOF onde Dani Lorenzo analiza títulos de películas mal traducidas do inglés. Fernando RqR presenta un CAMALEÓN especial onde vai propoñernos un xogo de rol... pero ao seu xeito. Alejandro Martínez "Pini" volve coas súas Efemérides Aleatorias. E estarán coma sempre Fran Rodríguez e Pepe Capelán dispostos a engadir o que faga falta. A actuación musical EN DIRECTO corre a cargo de Ari Magritte que desta interprétanos "SIN CRITERIO" do seu último álbum "ORÁCULO". Coma sempre, dirixe e presenta este caos ordenado CarlosTresandí.

No Episodio 8 da 5G, Carlos Tresandí volve recibir o noso compañeiro Pedro Pablo Alonso, que hoxe vai tentar facerse co primeiro posto do Concurso 5G. Conseguirá superar as puntuacións de María Xosé Rodríguez, Alberto Cunha e as Izquierdo Sisters? Fran Rodríguez abrirá o Museo Mutante unha vez máis achegándonos unha xoia Universal que garda con moito receo na súa colección. Alejandro Martínez "Pini" volve coas súas Efemérides Aleatorias. Pepe Capelán, Dani Lorenzo e Fernando RqR estarán dispostos a axudar no que faga falta e, para rematar o programa, recibimos a Ari Magritte que vén interpretarnos unha versión en galego do seu tema Color Relámpago rebautizado como "Color do Lóstrego".