Dilli Dali

Dilli Dali

By S GopalakrishnanSociety & Culture
Download on the App Store

Dilli Dali episodes

  • giro a la izquierda I ഇടത്തേക്കുള്ള വളവ് I Tathagatan Ravindran, Universidad Icesi Colombia, talks 56/2022

    giro a la izquierda അഥവാ ഇടത്തേക്കുള്ള വളവ്  ലാറ്റിൻ അമേരിക്കൻ രാഷ്ട്രീയസാഹചര്യത്തെക്കുറിച്ച് ഒരു പോഡ്‌കാസ്റ്റ്  കൊളംബിയയിലെ Universidad Icesi സർവകലാശാലയിലെ സൂമൂഹ്യശാസ്ത്ര അദ്ധ്യാപകനായ പ്രൊഫസ്സർ തഥാഗതൻ രവീന്ദ്രനുമായുള്ള സംഭാഷണം .  ഏത് സാമൂഹ്യസാഹചര്യമാണ് ലാറ്റിനമേരിക്കയെ ഇടത്തേക്ക് നയിക്കുന്നത് ?  ഘടനാപരമായ പരിവർത്തനങ്ങൾ അവിടുത്തെ സർക്കാരുകൾ നടത്തുന്നുണ്ടോ ? അവിടുത്തെ മിതവാദി ഇടതുപക്ഷവും റാഡിക്കൽ ഇടതുപക്ഷവും കൈകോർക്കുന്നുണ്ടോ ? ലാറ്റിൻ അമേരിക്കയ്ക്ക് പൊതുവായ നേതൃത്വമുണ്ടോ ?  

    പോഡ്‌കാസ്റ്റിലേക്ക് സ്വാഗതം  

    സ്നേഹപൂർവ്വം   

    എസ് . ഗോപാലകൃഷ്ണൻ  

    18 നവംബർ 2022  ഡൽഹി 

     https://www.dillidalipodcast.com/

    15 min
  • 'ജവഹർലാൽ നെഹ്‌റുവിന്റെ അർത്ഥം' Malayalam translation of the article written by Rajni Kothari in 1964 55/2022

    നെഹ്‌റുവിന്റെ നിര്യാണത്തെ തുടർന്ന് 1964 ൽ രജ്‌നി കോത്താരി എഴുതിയ The Meaning of Jawaharlal Nehru എന്ന ലേഖനത്തിന്റെ മലയാളരൂപമാണിത് . രാഷ്ട്രമീമാംസകനും സൈദ്ധാന്തികനും എഴുത്തുകാരനുമായിരുന്ന രജ്‌നി കോത്താരിയുടെ ലേഖനം പണ്ഡിറ്റ് നെഹ്‌റുവിന്റെ സംഭാവനകളെ ആഴത്തിലുള്ള നിരീക്ഷണങ്ങളിലൂടെ രേഖപ്പെടുത്തിയ ആദരാഞ്ജലി ആയിരുന്നു . ഇന്ത്യയിൽ മതാധിഷ്ഠിത രാഷ്ട്രീയം ശക്തിപ്പെടാനുള്ള സാധ്യതയെക്കുറിച്ച് 1964 ൽ കോത്താരി നൽകിയ സൂചന ഇതിലുണ്ട് .  

    2022 നവംബർ പതിന്നാലാം തീയതി , നെഹ്‌റു ജന്മദിനത്തിൽ , ഈ പോഡ്‌കാസ്റ്റ് സമർപ്പിക്കുന്നു .  

    സ്നേഹപൂർവ്വം   

    എസ് . ഗോപാലകൃഷ്ണൻ  

    https://www.dillidalipodcast.com/

    14 min
  • ഒരു കൂടിക്കാഴ്ചയുടെ നൂറാം വാർഷികം 100 years of Narayana Guru- Tagore meeting 54/2022

    1922 ൽ വർക്കലയിലെ ശിവഗിരിയിൽ രബീന്ദ്രനാഥ ടാഗോർ നാരായണഗുരുവിനെ കാണുമ്പോൾ ടാഗോറിന് അറുപത്തിയൊന്നുവയസ്സായിരുന്നു പ്രായം . നാരായണഗുരുവിന് അറുപത്തിയാറുവയസ്സായിരുന്നു . ശാന്തിനികേതൻ ഉണ്ടായിട്ട് ഇരുപതാണ്ടുകൾ കഴിഞ്ഞിരുന്നു . ശിവഗിരി മഠത്തിലേക്ക് നാരായണഗുരു ആശ്രമം മാറ്റിയിട്ട് പതിനെട്ടുകൊല്ലവുമായിരുന്നു . ഗാന്ധിജിയുടെ സബർമതി ആശ്രമത്തിന് അഞ്ചുവയസ്സായിരുന്നു . ഇതിനെല്ലാം മുൻപേ ഗുരു ആത്മോപദേശശതകവും അനുകമ്പാദശകവും എഴുതിക്കഴിഞ്ഞിരുന്നു.   ഗുരു ടാഗോറിനോട് എന്തുകൊണ്ട് ഇങ്ങനെ പറഞ്ഞു , 'നാമായി ഒന്നും ചെയ്തിട്ടില്ല . ഇനി എന്തെങ്കിലും ചെയ്യാനും കഴിവില്ല . നമ്മുടെ കഴിവില്ലായ്മയിൽ നമുക്ക് അതിയായ ദുഃഖമുണ്ട്'.  ഗുരുവും ടാഗോറും തമ്മിൽ 1922 നവംബർ പതിനഞ്ചാം തീയതി  നടന്ന കൂടിക്കാഴ്ചയുടെ ലഭ്യമായ വിശദാംശങ്ങളാണ് ഈ പോഡ്‌കാസ്റ്റ് . കൂടെ ടാഗോർ എഴുതിയ 'ഹൃദയമന്ദിരത്തിൽ ഡമരു ഗുരു ഗുരു ' എന്ന ഗാനവും .  

     സ്നേഹപൂർവ്വം   

    എസ് . ഗോപാലകൃഷ്ണൻ  

    11 നവംബർ 2022 

     https://www.dillidalipodcast.com

    10 min
  • കാരാഗൃഹം തകർത്ത പാട്ടുകൾ A podcast by S.Gopalakrishnan on the revolutionary songs by Salil Chowdhury 53/2022

    ഇത്തവണ വിഷയം സംഗീതമാണ് . സലിൽ ചൗധുരിയുടെ സംഗീതം . എന്നാൽ മലയാളിയെ മയക്കിയ 'മഴവിൽക്കൊടികാവടി അഴകുവിടർത്തിയ' സംഗീതമല്ല . 1940 -50 കാലങ്ങളിൽ വറുതിയുടെ കാലത്ത് ബംഗാൾ ഗ്രാമങ്ങളെ ധീരസ്വപ്നങ്ങളിലേക്കാനയിച്ച വിപ്ലവഗാനങ്ങളേക്കുറിച്ചാണ് ഈ പോഡ്‌കാസ്റ്റ് . മൂന്നു പാട്ടുകളും ഉൾപ്പെടുത്തിയിട്ടുണ്ട് .  'ഭാംഗോ , ഭാംഗോ , ഭാംഗോ കാരാ', ഭൂകാ ഹേ ബംഗാ ', 'ഓ അലോ പോതോ ജാത്രി' എന്നിവ . കൂടെ ജോസഫ് സ്റ്റാലിന്റെ ക്രോധത്തിന് പാത്രമായ ഒരു മഹാസംഗീതജ്ഞനെക്കുറിച്ചും .  

    സ്നേഹപൂർവ്വം   

    എസ് . ഗോപാലകൃഷ്ണൻ

    https://dillidalipodcast.com/

    13 min
  • പാകിസ്താൻ രാഷ്ട്രീയം 2022 : ഒരു സമഗ്രചിത്രം In conversation with Prof Mathew Joseph C 52/2022

    ദക്ഷിണേഷ്യൻ രാഷ്ട്രീയ ഗവേഷകനായ പ്രൊഫസർ മാത്യു ജോസഫ്.സിയുമായി ഒരു സംഭാഷണമാണിത്. ചോദ്യങ്ങൾ ഒന്ന്: പ്രധാനമന്ത്രിയായിരുന്ന ഇംറാൻ ഖാനോ ഇന്നത്തെ ഇംറാൻ ഖാനോ ശക്തിമാൻ? രണ്ട്: പാകിസ്താനിലെ പരമ്പരാഗത രാഷ്ട്രീയ പാർടികളെ എങ്ങനെ ഇംറാൻ ഖാൻ്റെ പാർടിയായ പാകിസ്താൻ തെഹ്രീക് -ഇ-ഇൻസാഫ് വെല്ലുവിളിച്ചു? മൂന്ന്: ഉടൻ റിട്ടയർ ചെയ്യുന്ന പട്ടാളമേധാവി ക്വമർ ജാവേദ് ബാജ്വയുടെ ഭാവി? നാല്: ഒരിന്ത്യൻ പത്രത്തിനു പോലും പാകിസ്താനിൽ പ്രതിനിധിയില്ലാതിരിക്കെ ഇന്ത്യൻ മാധ്യമങ്ങളുടെ വസ്തുനിഷ്ഠത എത്ര? അഞ്ച്: അമേരിക്ക, ചൈന, തുർക്കി, സൗദി അറേബ്യ, ഇറാൻ , ബ്രിട്ടൻ തുടങ്ങിയ രാജ്യങ്ങളുമായി പാകിസ്താൻ്റെ ഇന്നത്തെ ബന്ധം എങ്ങിനെ? ആറ്: പാകിസ്താൻ്റെ ഇന്നത്തെ സാമ്പത്തികാവസ്ഥ എങ്ങനെ?  പ്രൊഫസർ മാത്യു ജോസഫ് ഡൽഹിയിലെ ജാമിയ മില്ലിയ കേന്ദ്ര സർവകലാശാലയിൽ അന്താരാഷ്ട്രബന്ധങ്ങളിൽ അദ്ധ്യാപകനാണ്. 

    പുസ്തകങ്ങൾ: Understanding Pakistan: Emerging voices from India (editor) Pakistan and the Muslim world (editor) Pakistan in a changing strategic context (editor) Ethnic conflict in Bhutan ദേശദേശാന്തരരാഷട്രീയവിചാരം  

    പോഡ്കാസ്റ്റിലേക്ക് സ്വാഗതം. 

    സ്നേഹപൂർവ്വം 

    എസ്. ഗോപാലകൃഷ്ണൻ 

    05 നവംബർ 2022  ഡൽഹി

     https://www.dillidalipodcast.com/

    31 min
  • വിജയകുമാർ മേനോൻ: കലാനിരൂപണത്തിലെ അനന്യസംഭാവനകൾ Interview with art historian Kavitha Balakrishnan 51/2022

    വിജയകുമാർ മേനോൻ കലാചരിത്രത്തെ നോക്കിയ രീതി എന്തായിരുന്നു? എന്തായിരുന്നു അദ്ദേഹത്തിൻ്റെ ലാവണ്യസംസ്കാരത്തിലെ വിലയേറിയ മൂല്യത്തുടർച്ച? ചരിത്രത്തെ വർത്തമാനവുമായി അദ്ദേഹം എങ്ങനെ ബന്ധപ്പെടുത്തി? മലയാളത്തിലെ രേഖീയചരിത്രകാരന്മാരായ പൂർവ്വസൂരികളിൽ നിന്നും വിജയകുമാർ മേനോൻ എങ്ങനെ വ്യത്യസ്തനായി? രാജാ രവിവർമ്മയെ എങ്ങനെ കണ്ടു? അദ്ദേഹത്തിന് പരിഭവങ്ങളുണ്ടായിരുന്നോ? ആണത്ത ഈഗോ അരങ്ങുവാഴുന്നിടത്ത് അദ്ദേഹം എങ്ങനെ പെരുമാറി?  ,മൂല്യങ്ങളുടെ സംഘനൃത്തം നടക്കുന്ന വർത്തമാനകാലത്ത്,  സ്വന്തം വ്യക്ത്യാനുഭവങ്ങളിൽ കാലുറപ്പിച്ചുനിന്ന്, കവിത ബാലകൃഷ്ണൻ വിജയകുമാർ മേനോനെ അടയാളപ്പെടുത്തുന്നു.  

    സ്നേഹപൂർവം 

    എസ്. ഗോപാലകൃഷ്ണൻ 

    O2 നവംബർ 2022

    29 min
  • കേരളപ്പിറവിദിന പോഡ്‌കാസ്റ്റ് 2022 ഒരു പലസ്തീനിക്കവിതയും ഹിന്ദുസ്താനിരാഗവും കണ്ടുമുട്ടുമ്പോൾ 50/2022

    പ്രിയ സുഹൃത്തേ ,

    ദില്ലി -ദാലിയുടെ 2022 ലെ കേരളപ്പിറവിദിന പോഡ്‌കാസ്റ്റിലേക്ക് സ്വാഗതം .

    'അദ്ദേഹം ശാന്തനാണ് , ഞാനും അങ്ങനെതന്നെ' എന്ന മഹ്മൂദ് ദർവീഷിന്റെ പാലസ്തീനി കവിതയും ഒരു ഹിന്ദുസ്താനി നിശാരാഗവും തമ്മിൽ കണ്ടുമുട്ടുന്നതാണ് പോഡ്‌കാസ്റ്റിന്റെ പ്രമേയം .

    നമ്മെ അഗാധമായി സ്പർശിക്കുന്ന ആ കവിതയും ശ്രുതി സഡോലിക്കറുടെ ആലാപനവും നൽകുന്ന ലാവണ്യസന്ധി ആഗോളപൗരനായ മലയാളിക്ക് സമർപ്പിക്കുന്നു .

    സ്നേഹപൂർവ്വം 

    എസ്‌ . ഗോപാലകൃഷ്ണൻ   

    32 min
  • പുതുക്കിയ ചേരമാൻ പള്ളി : അനുഭവപാഠങ്ങൾ Interview with Benny Kuriakose, Architect 49/2022

    ഇന്ത്യയിലെ തന്നെ ഏറ്റവും പുരാതനമായ പള്ളിയാണ് കൊടുങ്ങല്ലൂരെ ചേരമാൻ ജുമാ മസ്‌ജിദ്‌ . അതിൻ്റെ പുനരുദ്ധാരണ പ്രവർത്തനങ്ങൾക്ക് മേൽനോട്ടം വഹിച്ച വാസ്തുശിൽപ്പി ബെന്നി കുര്യാക്കോസുമായുള്ള ദീർഘസംഭാഷണമാണ് ഈ ലക്കം ദില്ലി -ദാലി പോഡ്‌കാസ്റ്റ് . ഭാവിയിലെ പുരാവാസ്തുസംരക്ഷണപ്രവർത്തനങ്ങൾക്ക് സാമൂഹികവും സാമ്പത്തികവും ലാവണ്യപരവുമായ അനുഭവപാഠങ്ങൾ പുതുക്കിയ ചേരമാൻ പള്ളി നൽകുന്നുണ്ട് . അതിൻ്റെ വിശദാoശങ്ങളാണ് ബെന്നി കുര്യാക്കോസ് സംസാരിക്കുന്നത്.  

    സ്നേഹപൂർവ്വം  

    എസ് . ഗോപാലകൃഷ്ണൻ  

    30 October 2022  

    ഡൽഹി

    35 min
  • കാലാദിയായ മൃദുനൂലാലേ : A podcast by S. Gopalakrishnan on a Kabir song 48/2022

    1996 ൽ അഫ്‌ഗാനിസ്താനിൽ നിന്നും വന്ന ഒരു സൂഫി സംഗീതസംഘം പാടിയാണ് ആദ്യമായി 'ജീനി ജീനി ബീനി ചദരിയ' എന്ന കബീർ ഗാനം ഞാൻ  ശ്രദ്ധയോടെ കേൾക്കുന്നത് . അക്കൊല്ലത്തെ ഡൽഹിയിലെ വേനലിന്റെ  തുടക്കമായിരുന്നു അത്. ആ സെപ്റ്റംബറിൽ സംഗീതവിരുദ്ധരായ താലിബാൻ അഫ്‌ഗാനിസ്ഥാനിൽ അധികാരം പിടിച്ചെടുത്തിരുന്നു. ആ ഗായകർ കൊല്ലപ്പെട്ടോ എന്നെനിക്കറിയില്ല. ഇല്ല എന്നു വിശ്വസിക്കുവാൻ കബീർ എന്നെ പ്രേരിപ്പിക്കുന്നു . ജീവിതം അവസാനിക്കുന്നില്ല , ആരോ നെയ്ത വസ്ത്രം മാറുന്നതുപോലെ നാം മാറുന്നുവേയുള്ളൂ എന്നാണ് ചർഖയിൽ നൂൽ നൂറ്റുകൊണ്ട് അദ്ദേഹം പാടിയത് . നാരായണഗുരു ജനനീനവരത്നമഞ്ജരിയിൽ എഴുതിയ അതേ കാലാദിയായ മൃദുനൂലുകൊണ്ടാണ്  കബീർ തൻ്റെ  ദർശനം നെയ്തത്  .  ഒരു കബീർ ഗാനത്തെക്കുറിച്ചുള്ള പോഡ്‌കാസ്റ്റിലേക്ക് സ്വാഗതം . പണ്ഡിറ്റ് കുമാർ ഗന്ധർവയും കവ്വാലി ഗായകൻ  മുക്ത്യാർ അലിയും പാടുന്നു .  

    സ്നേഹപൂർവ്വം   

    എസ് . ഗോപാലകൃഷ്ണൻ

    35 min
  • സ്നേഹസ്മൃതി : സ്കറിയ സഖറിയയ്ക്ക് ആദരം In conversation with Prof G. Ushakumari by S. Gopalakrishnan 47/2022

    പ്രൊഫസ്സർ സ്‌കറിയ സഖറിയാ വറ്റാത്ത ജലസംഭരണിയായിരുന്നു എന്ന് ഹൃദയസ്പർശിയായ  സ്നേഹസ്മൃതിയിൽ പ്രൊഫസ്സർ ജി . ഉഷാകുമാരി പറയുന്നു . ഇതിനുമുൻപേ ആരും കടന്നുചെല്ലാത്ത മേഖലകളിലേക്ക് ജ്ഞാനദാഹവുമായി നടന്നുപോയ ഗുരുവായിരുന്നു അദ്ദേഹം .  അറിവിൻ്റെ മഹാതുടർച്ചയിലെ ഒരു കണ്ണിമാത്രമാണെന്ന വിനയബോധം ആ ധൈഷണികയാത്രയെ അനന്യമാക്കി .  കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ സ്മാരക കോളേജിലെ മലയാളവിഭാഗത്തിന് നേതൃത്വം കൊടുക്കുന്ന ഗവേഷകയും എഴുത്തുകാരിയും അദ്ധ്യാപികയുമായ ഉഷാകുമാരിയുടെ സ്നേഹസ്മൃതിയിൽ സ്‌കറിയ സഖറിയ ആദരിക്കപ്പെടുന്നു .  

    സ്നേഹപൂർവ്വം   

    എസ് . ഗോപാലകൃഷ്ണൻ

    24 min

About Dilli Dali

From the publisher's feed

Dilli Dali is a podcast initiative from Delhi, India on contemporary society and culture

More shows like Dilli Dali

MALAYALAM NEWS by G Ravi

MALAYALAM NEWS

0 Listeners

Truecopy THINK - Malayalam Podcasts by Truecopythink

Truecopy THINK - Malayalam Podcasts

2 Listeners

Empire: World History by Goalhanger

Empire: World History

2,413 Listeners

Out Of Focus - MediaOne by Mediaone

Out Of Focus - MediaOne

3 Listeners

Professional Malayali by Vinod Narayan

Professional Malayali

2 Listeners