Dilli Dali

Dilli Dali

By S GopalakrishnanSociety & Culture
Download on the App Store

Dilli Dali episodes

  • ഹിജാബ് : ഇന്ത്യ , ഇറാൻ : രണ്ട് ചരിത്ര സന്ദർഭങ്ങൾ Interview with Prof G. Arunima by S. Gopalakrishnan 46/2022

    പ്രൊഫസ്സർ ജി . അരുണിമയുമായുള്ള സംഭാഷണത്തിലേക്ക് സ്വാഗതം .  

    വിഷയപരിസരങ്ങൾ : ഒന്ന് : ഇന്ത്യയിലും ഇറാനിലും ഹിജാബ് പ്രശ്നം വ്യത്യസ്തമാകുന്നത് എന്തുകൊണ്ട് ? 

    രണ്ട് : യൂണിഫോം എന്ന ആശയത്തിന്റെ പരിണാമങ്ങൾ ചരിത്രത്തിൽ  

    മൂന്ന് : ഇന്ത്യയിൽ ഹിജാബ് ധരിക്കുവാൻ സ്വയം ആഗ്രഹിക്കുന്നുവെങ്കിൽ ആ  പെൺകുട്ടികളുടെ കൂടെ നിൽക്കുന്ന പ്രൊഫസ്സർ അരുണിമ എന്തുകൊണ്ട് ഇറാനിൽ ഹിജാബ് അഗ്നിക്കിരയാക്കുന്ന പെൺകുട്ടികളുടെ കൂടെ നിൽക്കുന്നു ? 

    നാല്  : എന്തുകൊണ്ട് ഇറാനിൽ നടക്കുന്നത് സ്ത്രീവിപ്ലവം തന്നെയാകുന്നു ? 

    അഞ്ച്  : അഫ്‌സാന നജ്മബാദി എന്ന ഇറാനിയൻ ചരിത്രകാരി സ്ത്രീകളുടെ ശിരോവസ്ത്രവും രാഷ്ട്രവുമെന്ന വിഷയം വിശദീകരിക്കുവാൻ സ്വീകരിച്ച സ്ത്രീഭാഷ  

    ആറ് : തലമുടി ഒരു സമരായുധമാകുമ്പോൾ , സ്ത്രീയുടെ മുടിയും പുരുഷകേന്ദ്രീകൃത സമൂഹവും എന്ന വിഷയത്തെ അരുണിമ എങ്ങനെ സമീപിക്കുന്നു ?  

    Cambridge University യിൽ Trinity College ൽ നിന്നും ഡോക്ടറേറ്റ് നേടിയ ജി . അരുണിമ ഡൽഹിയിലെ ജവാഹർലാൽ നെഹ്‌റു സർവകലാശാലയിലെ സ്ത്രീപഠനവിഭാഗത്തിലെ അദ്ധ്യാപികയാണ്. 

    ഇപ്പോൾ കേരളാ ചരിത്ര ഗവേഷണ കൗൺസിൽ ഡയറക്ടർ ആണ് .  

    സ്നേഹപൂർവ്വം   

    എസ് . ഗോപാലകൃഷ്ണൻ  

    17 ഒക്ടോബർ 2022

    36 min
  • നമ്മുടെ സാമ്പത്തികകാലം : ഏറ്റവും മോശം സമയം വരുന്നുവോ ? Interview with T.K. Arun, Economics Journalist 45/2022

    അന്താരാഷ്ട്ര നാണയ നിധിയുടെ ഒക്ടോബറിൽ പുറത്തിറങ്ങിയ  അർദ്ധവാർഷിക റിപ്പോർട്ടിൽ പറയുന്നത് ലോക സാമ്പത്തികരംഗത്തിന് ഏറ്റവും മോശം കാലം വരാൻ പോകുന്നുവെന്നാണ് . ദില്ലി -ദാലി പോഡ്‌കാസ്റ്റ് ഈ വിഷയത്തെക്കുറിച്ച് ശ്രീ ടി .കെ അരുണുമായി നടത്തിയ സംഭാഷണം കേട്ടാലും . സാമ്പത്തിക പത്രപ്രവർത്തകരിൽ ഇന്ത്യയിലെ ഏറ്റവും മുതിർന്ന ആധികാരിക ശബ്ദമാണ് അരുണിന്റേത് .   പ്രധാനമായും അരുൺ സംസാരിക്കുന്നത് ഇനി കൊടുത്തിരിക്കുന്ന കാര്യങ്ങളാണ് : ഒന്ന് : എന്താണ് IMF ന്റെ ഒക്ടോബറിൽ ഇറങ്ങിയ റിപ്പോർട്ടിന്റെ രത്‌നച്ചുരുക്കം ? രണ്ട് : IMF പറയുന്നതൊക്കെ വേദവാക്യങ്ങളാണോ ? മൂന്ന് : IMF പ്രവചിക്കുമ്പോലെ വരുന്ന രണ്ടുവർഷങ്ങളിൽ വളർച്ചാനിരക്ക് കുത്തനെ കുറഞ്ഞാൽ ഇന്ത്യയെ അത് എത്രകണ്ട് ബാധിക്കും ? നാല് : അമേരിക്കയേയോ യൂറോപ്പിനേയോ ചൈനയേയോ ബാധിക്കുന്നതുപോലെ ഈ പ്രശ്നങ്ങൾ ഇന്ത്യയെ ബാധിക്കാനിടയില്ല എന്നു പറയുന്നതിലെ യുക്തി എന്താണ്  അഞ്ച് : വിലക്കയറ്റമുണ്ടാകും എന്ന സൂചനയുടെ അടിസ്ഥാനമെന്താണ് ? ആറ് : അമേരിക്കയാണോ യഥാർത്ഥ വില്ലൻ ? ഏഴ് : എന്തുകൊണ്ട് റഷ്യ -ഉക്രൈൻ സംഘർഷം ഉടനടി അവസാനിക്കണം ? എട്ട് : അമേരിക്കയും യൂറോപ്പും കൂടുതൽ തൊഴിൽ അവസരങ്ങൾ ഉണ്ടാക്കുകയും immigration നിയമങ്ങളിൽ അയവുവരുത്തുകയും ചെയ്യേണ്ടതിന്റെ ആവശ്യം . ഒൻപത് : എന്തുകൊണ്ട് ഗൾഫ് രാജ്യങ്ങൾക്കും അതുവഴി മലയാളികൾക്കും ആശ്വസിക്കാം ?   :  

    ( You can read T .K Arun's writings on tkarun.substack.com ) 

    പോഡ്‌കാസ്റ്റിലേക്ക് സ്വാഗതം . 

    സ്നേഹപൂർവ്വം   

    എസ് . ഗോപാലകൃഷ്ണൻ  

    15 ഒക്ടോബർ 2022

    39 min
  • ലോഹ്യാവിചാരവിപ്ലവത്തിൻ്റെ ധ്വനിരാഷ്ട്രീയം : മുലായം സിങ് യാദവ് : Amrith Lal talks 44/2022

    മുലായം സിങ് യാദവിനുള്ള ആദരപോഡ്‌കാസ്റ്റ്   

    വടക്കേയിന്ത്യൻ രാഷ്ട്രീയത്തെ ആഴത്തിൽ മനസ്സിലാക്കിയിട്ടുള്ള   അമൃത് ലാൽ ( The Indian EXPRESS , Delhi ) മുലായം ജീവിതത്തെ വിശദമാക്കുന്നു .  

     ഒന്ന് : മുലായത്തിന്റെ ലോഹ്യാവേരുകൾ  

    രണ്ട് : ഉത്തർ പ്രദേശിൽ മന്ദിർ രാഷ്ട്രീയത്തെ എങ്ങനെ അദ്ദേഹം ചെറുത്തു ?  

    മൂന്ന് : മണ്ഡൽ രാഷ്ട്രീയകാലത്തെ എങ്ങനെ ശക്തിപ്പെടുത്തി ?  

    നാല് : സംഘടനാപാടവത്തിലെ പ്രത്യേകതകൾ എന്തൊക്കെ ? 

    അഞ്ച് : വിവിധ ജാതികളുടെ ഏകോപനം എങ്ങനെ സാധിച്ചു ? 

    ആറ് : ഭാഷാനയം എന്തായിരുന്നു ? 

    ഏഴ് : ഫൂലൻ ദേവിയെ രാഷ്ട്രീയത്തിൽ കൊണ്ടുവന്നതുവഴി എന്തു സന്ദേശം നൽകി ? 

    എട്ട് : എന്തുകൊണ്ട് എല്ലാവർക്കും 'നേതാജി'? 

    ഒൻപത് : ലോഹ്യാ രാഷ്ട്രീയം ഇന്ത്യൻ സാംസ്കാരികധാരകളെ എങ്ങനെ വിലയിരുത്തി ? 

    പത്ത് : ലോഹ്യാരാഷ്ട്രീയത്തിന്റെ അപചയവും മുലായം സിങ് യാദവും   


    അമൃത് ലാലിന് നന്ദി .  

    സ്നേഹപൂർവ്വം   

    എസ് . ഗോപാലകൃഷ്ണൻ  

    11 ഒക്ടോബർ 2022

    22 min
  • ജാമിനി റോയ്, ക്രിസ്തു, ഗാന്ധി, ടാഗോർ, രണ്ടു ഗാനങ്ങളും A podcast by S.Gopalakrishnan 43/2022

    'സ്വന്തം രാജാവിന്റെ പേരിൽ ആരാണാവോ അവനെ കൊന്നത് , അവർ വീണ്ടും ജന്മമെടുത്ത് അവനുവേണ്ടിയുള്ള പള്ളികളുടെ താക്കോലുകൾ കൈവശപ്പെടുത്തിയിരിക്കുന്നു', ടാഗോർ എഴുതിയ ഒരു ക്രിസ്തുഗാനത്തിലെ വരികളാണിത്.  ജാമിനി റോയിയുടെ ക്രിസ്തുവിനെപ്പോലെ പൗരസ്ത്യനായിരുന്നോ ടാഗോറിൻ്റെ ക്രിസ്തുവും ? അപ്പോൾ ഗാന്ധിയുടേതോ ?   ജാമിനി റോയ് വരച്ച ക്രിസ്തു , ടാഗോറിൻ്റെ ക്രിസ്തു , ഗാന്ധി എന്നീ വിഷയങ്ങളിലൂടെ സഞ്ചരിക്കുന്ന ഈ പോഡ്‌കാസ്റ്റിൽ ടാഗോർ എഴുതിയ രണ്ടു ക്രിസ്തുഗാനങ്ങളും ഉൾപ്പെടുത്തിരിക്കുന്നു .   പ്രണയത്തിൻ പ്രണയമേ , നിന്റെ അവതാരം എന്നെ ഉന്മാദിയാക്കുന്നു   

    സ്നേഹത്തോടെ   

    എസ് . ഗോപാലകൃഷ്ണൻ  

    26 സെപ്റ്റംബർ 2022  

    ഡൽഹി

    19 min
  • നർത്തകി ഫെഡററെ കാണുമ്പോൾ Dr Rajashree Warrier in conversation with S. Gopalakrishnan 42/2022

    ടെന്നീസ് താരം റോജർ ഫെഡറർ കളിയിൽ നിന്നും വിരമിക്കുന്നു എന്ന പ്രഖ്യാപനം വന്നപ്പോൾ നർത്തകി രാജശ്രീ വാര്യർ ട്വീറ്റ് ചെയ്തു , നൃത്തം അപാരസംഗീതത്തിൻ്റെ ദൃശ്യസാധ്യതയെങ്കിൽ ഫെഡറർ കളിക്കളത്തിൽ തീർക്കുന്നതിലും നാദവും ലയവുമുണ്ടെന്ന് . ആ പ്രസ്താവന പ്രത്യേകതയുള്ളതാണെന്നു തോന്നിയതിനാലാണ് ഈ പോഡ്‌കാസ്റ്റ് ഉണ്ടായത്. എന്താണ് നർത്തകി ഫെഡറർ എന്ന കായികതാരത്തിൽ കാണുന്ന ലാവണ്യാനുഭൂതി ? നിയതമായ ചട്ടങ്ങളിൽ നിന്നുകൊണ്ട്  ഒരു നർത്തകി സൃഷ്ടിക്കുന്ന മൗലികതയും കായികതാരത്തിൻ്റെ സർഗ്ഗപ്രകാശനവും തമ്മിൽ ബന്ധമുണ്ടോ ? ഒരു നർത്തകി എപ്പോഴാണ് വിരമിക്കുക ? അതോ അങ്ങനെയൊന്നില്ലെന്നോ ?  ഒരു സവിശേഷപോഡ്‌കാസ്റ്റിലേക്ക് സ്വാഗതം    


    എസ് . ഗോപാലകൃഷ്ണൻ

    19 September 2022

    33 min
  • യുഗാന്ത്യം: ഗൊദാർദ് ( 1930- 13 സെപ്റ്റംബർ 2022) In conversation with Dr C.S. Venkiteswaran 41/2022

    എന്തുകൊണ്ട് ഗൊദാർദ് ചലച്ചിത്രദർശനത്തിലെ സോക്രട്ടീസ്?  

    ചലച്ചിത്രചരിത്രകാരൻ ഡോ. സി. എസ്. വെങ്കിടേശ്വരനുമായി ഗൊദാർദിൻ്റെ സംഭാവനകളെക്കുറിച്ചുള്ള സംഭാഷണത്തിലേക്ക് സ്വാഗതം.  

    സ്നേഹപൂർവ്വം 

    എസ്. ഗോപാലകൃഷ്ണൻ 

    14 സെപ്റ്റംബർ 2022

    37 min
  • അനുഭൂതി വിവർത്തനം ചെയ്യപ്പെടുമ്പോൾ A talk with Vinaya Chaitanya by S Gopalakrishnan 40/2022

    നാല്പതുമിനിട്ടുനേരം സംസാരിച്ചുകഴിഞ്ഞപ്പോൾ ഞാൻ വിനയ ചൈതന്യയോട് ചോദിച്ചു , രണ്ടുവരി ഗുരുപ്രതിഭ തരാമോ ? അദ്ദേഹം ചൊല്ലി ,  ' എനിക്കിന്നുനിൻ മൊഴി വന്നു  മൗനനിലയായി മുഴങ്ങുന്നിതാ '  ശ്രീ നാരായണഗുരുവിൻ്റെ സമ്പൂർണ്ണകൃതികൾ വിനയ ചൈതന്യ ഇംഗ്ളീഷിലേക്ക് വിവർത്തനം ചെയ്തത്   ' A Cry in the Wilderness ' എന്ന പേരിൽ അടുത്തകാലത്ത് പുറത്തിറങ്ങി. ദില്ലി -ദാലിയുടെ ഈ ലക്കം വിനയയുമായി ഒരു സംഭാഷണമാണ് . ഗുരുവിനെ തർജ്ജുമ ചെയ്യുന്നതിലെ വെല്ലുവിളികൾ , സാധ്യതകൾ . 'ശിഷ്യത്വമുണ്ടെങ്കിലേ ഏതൊരു ഗുരുവിനേയും വിവർത്തനം ചെയ്യാൻ കഴിയൂ', അദ്ദേഹം പറയുന്നു .  


     സ്നേഹത്തോടെ ,  

    എസ് . ഗോപാലകൃഷ്ണൻ  

    12 സെപ്റ്റംബർ 2022

    41 min
  • മോഹനാരാമം : ടി . വി . ശങ്കരനാരായണന് ആദരാഞ്ജലി A podcast by S. Gopalakrishnan 39/2022

    ടി . വി . ശങ്കരനാരായണന്റെ ഇരുപത്തിമൂന്നാമത്തെ വയസ്സിൽ 1968 ലാണ് അമ്മാവനും ഗുരുവുമായിരുന്ന മധുര മണി അയ്യർ ഒറ്റയ്ക്ക്  കച്ചേരി നടത്താൻ അദ്ദേഹത്തിന് അനുവാദം നൽകിയതുപോലും.അതും വയലിനിസ്റ്റ്  ടി . എൻ . കൃഷ്ണൻ നിർബന്ധിച്ചിട്ട്. പക്ഷേ അതിനുശേഷം ടി വി ശങ്കരനാരായണൻ എന്ന സുനാദം അൻപതുവർഷങ്ങളിലേറെ തെന്നിന്ത്യൻ ശാസ്ത്രീയസംഗീതലോകത്തെ ആധികാരിക സൗന്ദര്യങ്ങളിൽ ഒന്നായി മാറി.  ടി വി ശങ്കരനാരായണന്റെ കലയും ജീവിതവും ആദരപൂർവം നോക്കിക്കാണുന്ന ഈ പോഡ്‌കാസ്റ്റിൽ അദ്ദേഹം പാടിയ 'സുബ്രഹ്മണ്യേന രക്ഷിതോഹം' (ശുദ്ധധന്യാസി), 'സരസസാമദാനഭേദദണ്ഡചതുര' (കാപ്പിനാരായണി), ശിവശിവശിവ എനരാദ (പന്തുവരാളി), കാപാലി (മോഹനം)  എന്നീ കൃതികളിൽ നിന്നുള്ള ഭാഗങ്ങളും ഉൾപ്പെടുത്തിയിരിക്കുന്നു .  

    സ്നേഹപൂർവ്വം   

    എസ് . ഗോപാലകൃഷ്ണൻ  

    10 സെപ്റ്റംബർ 2022

    28 min
  • അന്തരിച്ച ഗായിക നയ്യാറ നൂറിന് ആദരം A podcast by S. Gopalakrishnan 38/2022

    പ്രിയസുഹൃത്തേ ,  

    നയ്യാറ നൂർ എന്ന ഗായിക  എഴുപത്തൊന്നാം വയസ്സിൽ കറാച്ചിയിൽ  മരിക്കുമ്പോൾ ഈ ഉപഭൂഖണ്ഡത്തിന്റെ തെക്കേ അറ്റത്തെ ഭാഷയായ മലയാളത്തിൽ ഇങ്ങനെ ഒരു പോഡ്‌കാസ്റ്റ് ഉണ്ടാകുന്നതെന്തുകൊണ്ടാണ്? . സത്യത്തിൽ നാം ചെയ്യുന്നത് ബാക്കിനിൽക്കുന്ന പ്രാണനെ മുറുകെ പുണർന്നുകൊണ്ട് വിളിച്ചുപറയുകയാണ് ഈ ഉപഭൂഖണ്ഡം ബഹുസ്വരതയിൽ വിശാലമായ ഒരു ഏക മാനവികതയാണെന്ന് ...  നയ്യാറ നൂർ പാടിയ മൂന്ന് ഗസലുകളും പോഡ്‌കാസ്റ്റിൽ ഉൾപ്പെടുത്തിയിരിക്കുന്നു , കൂടെ  അവരുടെ ജീവിതവും നാം ജീവിക്കുന്ന കാലവും.  

    സ്നേഹപൂർവ്വം   എസ് . ഗോപാലകൃഷ്ണൻ  

    27 ആഗസ്റ്റ് 2022  

     https://dillidalipodcast.com/

    22 min
  • കപിലയുടെ രാവണൻ അനിതയുടെ രാവണൻ : A podcast by S. Gopalakrishnan 37/2022

    ഒരു കൂടിയാട്ടവും ഒരു കവിതയും ഉളവാക്കിയ ചിന്തകളാണ് ഈ ലക്കം ദില്ലി -ദാലി പോഡ്‌കാസ്റ്റ് . ഒന്നിൽ രാവണൻ ഏകരൂപിയായി ഘനീഭവിക്കുമ്പോൾ മറ്റൊന്നിൽ രാവണൻ ദശാവതാരം കൊള്ളുന്നു . രണ്ടും നമ്മുടെ മനസ്സിനെ കീഴടക്കുന്നു . കപില വേണു അവതരിപ്പിച്ച 'കൈലാസോദ്ധാരണ'വും അനിത തമ്പി എഴുതിയ 'കർക്കടപ്പത്ത്' എന്ന കവിതയുമാണ് ഇവിടെ പരാമർശവിധേയമാകുന്നത്.  കവിതയിൽ രാവണൻ വാങ്‌മയത്തിൽ ഹൃദയശൈലങ്ങളെ കൈയ്യിലെടുക്കുമ്പോൾ കപിലയുടെ ഒറ്റയാൾ ആട്ടത്തിൽ രാവണൻ ഗാന്ധി മൗനവൃതത്തിലെന്നപോലെ അന്തഃകരണങ്ങളെ വശംവദമാക്കുന്നു . കപിലയുടെ രാവണൻ ഇരുകൈകളാൽ കൈലാസത്തെ മേഘപാളികളിലേക്കെറിഞ്ഞ് , മലതിരികെവരുന്നതിനു മുൻപേ വിധിയുമായി പകിടകളിക്കാനിരിക്കുമ്പോൾ , അനിത രാവണനെ വിളിക്കുന്നു , ഹലോ , ഹലോ , രാവണാ , രാവണാ , എരിചുടർ വാശിക്കാരാ  രണ്ടുസർഗ്ഗപ്രകാശനങ്ങളിലൂടെ ഉത്ഭവിക്കുന്ന രാവണനിലേക്കുള്ള ഈ പോഡ്‌കാസ്റ്റിലേക്ക് സ്വാഗതം . പോഡ്‌കാസ്റ്റിൻ്റെ അവസാനം അനിത തമ്പി കവിത അവതരിപ്പിക്കുന്നുണ്ട് .  

    സ്നേഹപൂർവ്വം   

    എസ് . ഗോപാലകൃഷ്ണൻ  

    https://www.dillidalipodcast.com/

    പോഡ്‌കാസ്റ്റിൽ പരാമർശിക്കുന്ന കപില വേണുവിന്റെ 'കൈലാസോദ്ധാരണം' ഇവിടെ ഈ ലിങ്കിൽ കാണാവുന്നതാണ്  https://www.youtube.com/watch?v=8OaSM...

    14 min

About Dilli Dali

From the publisher's feed

Dilli Dali is a podcast initiative from Delhi, India on contemporary society and culture

More shows like Dilli Dali

MALAYALAM NEWS by G Ravi

MALAYALAM NEWS

0 Listeners

Truecopy THINK - Malayalam Podcasts by Truecopythink

Truecopy THINK - Malayalam Podcasts

2 Listeners

Empire: World History by Goalhanger

Empire: World History

2,413 Listeners

Out Of Focus - MediaOne by Mediaone

Out Of Focus - MediaOne

3 Listeners

Professional Malayali by Vinod Narayan

Professional Malayali

2 Listeners