በአፋር ክልል ባለፈው አንድ ዓመት በቂ ዝናብ ባለመገኘቱ ምክንያት የተከሰተው ድርቅ በአርብቶ አደሮችና እንስሳቶቻቸው ላይ ከፍተኛ ጉዳት እያደረሰ ይገኛል። በተለይም በዳሊፋጌ እና በያንጉዲ ወረዳዎች የውሃና የመኖ እጥረት በመከሰቱ በርካታ አርብቶ አደሮች አካባቢያቸውን ለቀው ወደ አዋሽ ተፋሰስ በመሰደድ ላይ ናቸው።

በኦሮሚያ ክልል ደቡብ ምዕራብ ሸዋ ዞን ቀርሳ ማሊማ ወረዳ ነሐሴ 19 ቀን 2018 ዓ.ም. ታጣቂዎች አደረሱት በተባለው ጥቃት በሰላማዊ ሰዎች ላይ ከፍተኛ ጉዳት መድረሱ ተነግሯል፡፡ በወረዳው ማክሰኞ ማለዳውን ተጀምሮ ቀኑን ውሎበታል በተባለው የታጣቂዎቹ ጥቃት ቢያንስ በአንድ ቀበሌ ብቻ ሰባት ሲቪል ሰዎች ስለመገደላቸው የዓይን እማኞች ተናግረዋል፡፡

ጃለል ግርማ ጎበዝ ተማሪ እንደሆነ አስቀድሞ ያውቀዋል። ጥሩ ውጤት እንደሚያመጣም ጠብቆ ነበር። ያልገመተው ነገር በሀገር አቀፍ ደረጃ ከፍተኛውን የ12ኛ ክፍል ሀገር አቀፍ መልቀቂያ ፈተና ውጤት እንደሚያስመዘግብ ነው።

"በአገር ማፍረስ ሴራዎች" ተጠርጥረው በእሥር ላይ የሚገኙትና ዛሬ ፍርድ ቤት የቀረቡት የኢሕአፓ አባል ፖለቲከኞች እና ጠበቃ ለቀጣዩ ሐሙስ ነሐሴ 28 ቀን ተቀጠሩ። ኢሕአፓ ለብሔራዊ ምርጫ ቦርድ እና ለኢሰመኮ ጉዳዩን በደብዳቤ ያሳወቀ መሆኑን ገልጾ "ኹኔታው ተጣርቶ በአስቸኳይ እንዲለቀቁ ጥያቄ አቅርቧል።

ትዝታዋ፣ ፍቅሯ ከናፍቆት ጋር በዜማና በጽሑፍ የተነገረላት መቀሌ፣ ከዓመታት የጦርነት ቁስል በኋላ ዳግም በጦርነት ስጋት ውስጥ ገብታለች። የከተማዋ ነዋሪዎች የዕለት ኑሮ፣ የንግድ እንቅስቃሴ፣ የወጣቶች ተስፋ ሌላ መልክ ይዟል።

ኢትዮጵያዉያን ያካሄዱት ምክክር የሃገሪቱን የኃይል ፖለቲካ ወደ ዉይይት ባህል፤ ወደመደማመጥ ባህል ያመጣ ከፍተኛ ለዉጥ ነዉ ብለዉ ያስባሉ? የተገኙት የመፍትሄ ሃሳቦች በቀጣይ ተግባራዊ እንዴት ተግባራዊ ይደረጋሉ? በአፍሪቃ የትኞቹ ሃገራት ብሔራዊ ምክክርን አካሄዱ? የትኞቹ ተሳካላቸዉ? የትኞቹ ሃገራትስ አልተሳካላቸዉም? የትኛዉን ተሞክሮ እንዉሰድ?

ሰሞኑን በደቡብ ሱዳን በሚገኙ የተባበሩት መንግስታት የሰላም አስከባሪዎች ላይ የተፈፀመውና ኹለት ኢትዮጵያውያን ወታደሮች የተገደሉበት ጥቃት፣ በሀገሪቱ እየተፈፀሙ ያሉ በርካታ ጥቃቶች አካል መኾኑን አንድ ከፍተኛ የፀጥታ ጉዳዮች ተመራማሪ ገልፀዋል። በተለይ በሰብአዊ ድጋፍ ላይ የሚሰሩ አለምአቀፍ ሰራተኛችም ብዙ ጥቃት ደርሶባቸዋል።

የትግራይ ማኅበረሰብ ዳያስፖራ ድርጅቶች በጋራ ባወጡት መግለጫ፣የተባበሩት መንግስታት፣ የአፍሪቃ ህብረት፣ የአውሮፓ ህብረት እና ሌሎች የሚመለከታቸው መንግስታትን ጨምሮ ዓለም አቀፍ ማኅበረሰብ የድሮን ጥቃቱን በአስቸኳይ ለማስቆም፣ያለምንም መዘግየት እርምጃ እንዲወስዱ ጥሪ አቅርበዋል።

በኢትዮጵያ እና በአፍሪካ ኅብረት የሚገኙት የአውሮፓ ኅብረት ልዑካን እና የሀገራት ኤምባሲዎች በትግራይ ክልል እንደገና የጦርነት ግጭት ከተከሰተ ለአካባቢው ሕዝቦች "አስከፊ ውጤት" እንደሚያስከትል ገለፁ።

የኢትዮጵያ ዜጎች ለማኅበራዊ ፍትሕ (ኢዜማ) ትናንት በሰጠው መግለጫ፣ የሀገራዊ ምክክሩ ምክረ ሐሳቦችን አተገባበር የሚከታተል "ገለልተኛ እና ሕጋዊ" ያለው አካል አንዲቋቋም" ጠይቋል። መኢአድ በመግለጫው በጉባኤው "ሊነሱና ሊነካኩ የማይገባቸው" ያላቸው አጀንዳዎች እንደነበሩ ጠቅሶ ይህም አደጋ የሚያመጣ መሆኑን ገልጿል።