ከጅቡቲ ወደ የመን የሚወስደው በተለምዶ ባብ አል ማንዳብ፣ «የእንባ በሮች» የሚባለው የስደት መስመር እጅግ አደገኛ የጉዞ መስመር ነው። ለምንድን ነው ይህ መንገድ በስደተኞች የሚዘወተረው? RSF ከ1 ዓመት በላይ ወደከበባት የሰሜን ዳርፉር ዋና ከተማ ኤል ፋሸር የሚወስደውን መንገድ በመዘጋቱ ቁጥሩ 3 መቶ ሺህ የሚጠጋ ነዋሪ የረሀብ አደጋ ላይ ነው።

ከፍተኛ የሆነ የሰብአዊ ርዳታ መቋረጥ በኢትዮጵያ ጋምቤላ ክልል የሚገኙ ስደተኞችን ኑሮ እንዲያሽቆለቁል ማድረጉን ድንበር የለሽ የሐኪሞች ቡድን አስታውቋል። በክልሉ ከሚገኙ ሰባት የስደተኞች መጠለያዎች በአራቱ የተመጣጠነ ምግብ አቅርቦት በመቋረጡ የ80,000 ዕድሜያቸው ከአምስት ዓመት በታች የሆነ ሕጻናት ሕይወት የሚያሰጋ ችግር ተጋልጠዋል።

በኦሮሚያ ክልል ምሥራቅ ወለጋ ዞን በምትገኘው ነቀምቴ ከተማ ባለፉት ቀናት የጣለ ከባድ ዝናብ ባስከተለው ጎርፍ ምክንያት የአምስት ሰዎች ማለፉን ባለሥልጣናት እና ነዋሪዎች ተናገሩ። በአካባቢው የጣለው ከባድ ዝናብ የመሬት መደርመስ እና የመኖሪያ ቤት መፍረስ አስከትሏል።

በፌድራል ሥራና ክህሎት ሚኒስቴር በኩል በተዘረጋ አሠራር ከአማራ ክልል 88 ሺህ የሚሆኑ ሥራ ፈላጊዎች ወደ ውጪ ሀገራት መጓዛቸውን የክልሉ ሥራ እና ስልጠና ቢሮ ገለጸ። በህገወጥ መንገድ ወደ ከአገር ሊወጡ የነበሩ 6 ሺህ ወገኖችን መመለስ መቻሉንም አመልክቷል።

የእስራኤል ጦር በጋዛ ሊያካሒድ ያቀደው መጠነ-ሰፊ ወታደራዊ ዘመቻ “አስከፊውን ሰብአዊ ሁኔታ የበለጠ ያባብሳል፤ የታጋቾችን ሕይወት አደጋ ላይ ይጥላል” ሲሉ የጀርመን እና የዩናይትድ ኪንግደምን ጨምሮ የአምስት ሀገራት የውጪ ጉዳይ ሚኒስትሮች ተቃወሙ። ዘመቻው “የሰላማዊ ሰዎችን በጅምላ መፈናቀል” ሊያስከትል እንደሚችልም ሀገራቱ ሥጋታቸውን ገልጸዋል።

የቀድሞ የናይጀርያ ፕሬዚዳንት ሙሀመድ ቡሃሪ እና የዛምቢያዉ ፕሬዚዳንት ኢድጋር ሉንግዉ በውጭ ሀገር የህክምና ጣብያዎች ዉስጥ መሞታቸው የአፍሪቃ መሪዎች በራሳቸው አገራት የጤና ጥበቃ ስርዓት ላይ እምነት ማጣታቸዉን ያመላከተ እና ከፍተኛ ዉይይቶችን ያጫረ ሆንዋል። ባለሥልጣናት እና ልሂቃን ለምን በአገራቸዉ የጤና ተቋማት ላይ እምነትን አጡ?

ዘንድሮ፣በቶሮንቶ ካናዳ ዮርክ ዩኒቨርሲቲ የአራተኛ ዓመት የኮምፒውተር ኢንጂነሪንግ ተማሪ የሆነው ናሆም፣የአፕል ኩባንያ ለተማሪዎች ያዘጋጀውን ውድድር በማሸነፍ አለም ዓቀፍ ዕዉቅና አግኝቷል ።አሸናፊ የሆነበትን አዲስ መተግበሪያ ይዞ፣ ካሊፎርኒያ ውስጥ በተካሄደው የኩባንያው ኮንፈረንስ ላይ በመገኘት፣ከኩባንያው ሥራ አስፈጻሚ ጋርም ተወያይቷል።

ታላቁ የኅዳሴ ግድብን በተመለከተ አወዛጋቢ አስተያየት የሰጡት የአሜሪካ ፕሬዝደንት ዶናልድ ትራምፕ በኢትዮጵያ፣ ግብጽ እና ሱዳን መካከል በሚደረገው ድርድር እጃቸውን የማስገባት ፍላጎት አሳይተዋል። ግብጽ የአሜሪካ ሴናተሮችን በጉዳዩ ላይ ስታወያይ ሰንብታለች። ዶይቼ ቬለ በአሜሪካ የጆርጅ ሜሰን ዩኒቨርሲቲ መምህር የሆኑት ብሩክ ሐረጉን አነጋግሯቸዋል።

በጋምቤላ ክልል በነሐሴ ወር ከመደበኛ መጠን ያለፈ የዝናብ ስርጭርት ሊኖር እንደሚችል የኢትዮጵያ ሜትሪኦሎጂ ኢንስቲትዩት አስታወቀ። ይህንን ተከትሎ ድንገተኛ ጎርፍ ሊከሰት ስለሚችል ቅድመ ዝግጅት እንዲደረግም አሳስቧል።

ስምንት የፖለቲካ ድርጅቶችን ያቀፈው ኮከስ «ገጽታውን እየቀያየረ በሕዝብ ላይ የሚደርስ» ያለው «እልቂት» እንዲገታ ገዢውን ሥርዓት «በሰላማዊ፣ ዲሞክራሲያዊና ሕዝባዊ ትግል መቀየር የግድ ይላል» ሲል የትብብር ጥሪ አቀረበ።