በኢትዮጵያ የኃይል ማመንጨት፣ የከፍተኛ ቮልቴጅ ማስተላለፍ እና የጅምላ ኤሌክትሪክ ስርጭትን የሚያከናው ነው የኢትዮጵያ ኤሌክትሪክ ኃይል (EEP) ዘንድሮ ከመቼውም ግዜ የበለጠ ትርፍ ማግኘቱን አስታወቀ።

በአሜሪካ ውጭ ጉዳይ መሥሪያ ቤት የአፍሪካ ጉዳዮች ረዳት ሚኒስትር ፍራንክ ጋርሺያ ወደ ኢትዮጵያ ሊያቀኑ ነው። ጋርሺያ ባለፈው ግንቦት ወር ከተሾሙ ወዲህ ኢትዮጵን ሲጎበኙ የአሁኑ የመጀመሪያቸው ይሆናል።

የሃገራቸው እና የማኅበረሰባቸው ባለውለታዎች ናቸው የተባሉ ግለሰቦች፣ ዩናይትድስቴትስ ቴክሳስ ዳላስ ውስጥ ዕውቅና እና ሽልማት ተሰጣቸው። ዘንድሮ ለዐሥረኛ ጊዜ በቴክሳስ ዳላስ በተካሄደው በዚሁ የምስጋና እና ሽልማት ሥነ ሥርዓት ላይ፤በተለያዩ ዘርፎች ሽልማትና ዕውቅና የተሰጣቸው ዐሥር ግለሰቦች ናቸው።

በኢትዮጵያ ሰሜን ምስራቅ እና ሰሜናዊ ክፍል አንዳንድ አከባቢዎች ላይ በክረምቱ በብርቱ የሚጠበቀው ዝናብ ባለመጣሉ ከፍተኛ ቁጥር ባላቸው አርሶአደሮች እና አርብቶ አደሮች ላይ ስጋት ማንዣበቡ ተነግሯል። በኢትዮጵያው ድርቅ አደጋው 165 ወረዳዎች ተለይተው ለምላሹ እየተሰራበት መሆኑን የኢትዮጵያ ቀይ መስቀል ማህበር ገልጿል።

በአፋር ክልል ባለፈው አንድ ዓመት በቂ ዝናብ ባለመገኘቱ ምክንያት የተከሰተው ድርቅ በአርብቶ አደሮችና እንስሳቶቻቸው ላይ ከፍተኛ ጉዳት እያደረሰ ይገኛል። በተለይም በዳሊፋጌ እና በያንጉዲ ወረዳዎች የውሃና የመኖ እጥረት በመከሰቱ በርካታ አርብቶ አደሮች አካባቢያቸውን ለቀው ወደ አዋሽ ተፋሰስ በመሰደድ ላይ ናቸው።

በኦሮሚያ ክልል ደቡብ ምዕራብ ሸዋ ዞን ቀርሳ ማሊማ ወረዳ ነሐሴ 19 ቀን 2018 ዓ.ም. ታጣቂዎች አደረሱት በተባለው ጥቃት በሰላማዊ ሰዎች ላይ ከፍተኛ ጉዳት መድረሱ ተነግሯል፡፡ በወረዳው ማክሰኞ ማለዳውን ተጀምሮ ቀኑን ውሎበታል በተባለው የታጣቂዎቹ ጥቃት ቢያንስ በአንድ ቀበሌ ብቻ ሰባት ሲቪል ሰዎች ስለመገደላቸው የዓይን እማኞች ተናግረዋል፡፡

ጃለል ግርማ ጎበዝ ተማሪ እንደሆነ አስቀድሞ ያውቀዋል። ጥሩ ውጤት እንደሚያመጣም ጠብቆ ነበር። ያልገመተው ነገር በሀገር አቀፍ ደረጃ ከፍተኛውን የ12ኛ ክፍል ሀገር አቀፍ መልቀቂያ ፈተና ውጤት እንደሚያስመዘግብ ነው።

"በአገር ማፍረስ ሴራዎች" ተጠርጥረው በእሥር ላይ የሚገኙትና ዛሬ ፍርድ ቤት የቀረቡት የኢሕአፓ አባል ፖለቲከኞች እና ጠበቃ ለቀጣዩ ሐሙስ ነሐሴ 28 ቀን ተቀጠሩ። ኢሕአፓ ለብሔራዊ ምርጫ ቦርድ እና ለኢሰመኮ ጉዳዩን በደብዳቤ ያሳወቀ መሆኑን ገልጾ "ኹኔታው ተጣርቶ በአስቸኳይ እንዲለቀቁ ጥያቄ አቅርቧል።

ትዝታዋ፣ ፍቅሯ ከናፍቆት ጋር በዜማና በጽሑፍ የተነገረላት መቀሌ፣ ከዓመታት የጦርነት ቁስል በኋላ ዳግም በጦርነት ስጋት ውስጥ ገብታለች። የከተማዋ ነዋሪዎች የዕለት ኑሮ፣ የንግድ እንቅስቃሴ፣ የወጣቶች ተስፋ ሌላ መልክ ይዟል።

ኢትዮጵያዉያን ያካሄዱት ምክክር የሃገሪቱን የኃይል ፖለቲካ ወደ ዉይይት ባህል፤ ወደመደማመጥ ባህል ያመጣ ከፍተኛ ለዉጥ ነዉ ብለዉ ያስባሉ? የተገኙት የመፍትሄ ሃሳቦች በቀጣይ ተግባራዊ እንዴት ተግባራዊ ይደረጋሉ? በአፍሪቃ የትኞቹ ሃገራት ብሔራዊ ምክክርን አካሄዱ? የትኞቹ ተሳካላቸዉ? የትኞቹ ሃገራትስ አልተሳካላቸዉም? የትኛዉን ተሞክሮ እንዉሰድ?