Il moviment gioga ina rolla centrala en la vita dad Emil Tall da Samedan. Gia durant ils emprims onns da sia uffanza, ch'el ha passentà cun ses dus fragliuns a Scuol, è il sport stà omnipreschent. Sia via professiunala – magister da sport – è perquai adina stada clera. Ils engaschaments dad Emil Tall han perquai er savens gì da far insatge cun sport. Enconuschent è lum da 62 onns surtut sco anteriur president dal Maraton da skis engiadinais. Durant ses temp duffizi aveva el er introducì la Cursa da dunnas che po festegiar quest onn ses giubileum da 20 onns.

Sper il sport ch'è preschent durant sia lavur sco er durant il temp liber, lavura Emil Tall gugent sco ortulan en ses iert a Scuol, nua chel semna per part sems importads direct da lIsrael. Quel pajais è er la destinaziun preferida dals Talls, dapi onns. Là haja el er chattà ina colliaziun pli profunda cun Dieu, vesend tut ils lieus ord la Bibla.