Við Rauða borðið í kvöld sest þjóðhagsráð þáttarins; hagfræðingarnir Guðrún Johnsen, Ólafur Margeirsson og Ásgeir Brynjar Torfason og ræða heimskreppuna. Verður þetta eins og kreppan mikla eða kreppan langa, verður þetta kreppan stutta eða kreppan djúpa? Þá ræða andlát ýmissa hugmynda; t.d. um að fyrirtæki eigi að reka með því eina markmiði að auka arðsemi og þar með arðgreiðslur og að ríkissjóð eigi ætíð að reka í jafnvægi og til lengri tíma með afgangi. Í tilefni af brunanum við Bræðraborgarstíg ræða þau um húsnæðismarkaðinn; hvaða afleiðingar ójafnvægi innan hans getur haft og hvers virði það er að stefna að traustum húsnæðismarkaði sem tryggir öllum ódýrt og öruggt húsnæði.