Cumenzà sia carriera da pur ha il Samedrin cun agens cunigls. Entant posseda Gian Peter Niggli ina puraria cun allevament da bun 35 vatgas d'Angus, in project ch'el ha realisà avant stgars 30 onns. Sper sia lavur sin il bain puril è il pli vegl da quatter fragliuns engaschà en differentas funcziuns politicas. Cumenzà sco cusseglier communal da Samedan sur in sez en il parlament regiunal fin tar ses 10 onns en il Cussegl grond.

Causa il spagat che l'um da 60 onns fa adina puspè tranter agricultura ed uffizis, ha el er ses surnum: «Krawattapuur».

Ina da las grondas sfidas è actualmain il presidi da l'Agrischa 2019 a Zernez, l'exposiziun agricula.

En il Profil raquinta l'um sportiv da sias passiuns en connex cun il sport da chavals u era co ch'el surviva, senza savair cuschinar.