ការផ្សាយពាណិជ្ជកម្មដោយគំនូរគូរដោយដៃ ត្រូវបានសាបរលាប ក្រោយមុខងារស្កេននិងព្រីន នៃសម័យបច្ចេកវិទ្យា ប្រើរយៈពេលខ្លី និងមានតម្លៃធូរថ្លៃ។ ទៅបីជាយ៉ាងណា លោកតា កែវ សាន់ ក្នុងវ័យជិត៩០វស្សា ដែលជាជាងគំនូរច្រើនសម័យ នៅតែបន្តអាជីពនេះ។ ស្នាដៃរបស់លោកតា កែវ សាន់ បានធ្វើឲ្យម្ចាស់យានដ្ឋានមួយកន្លែងចាប់អារម្មណ៍ និងមានគោលបំណងអភិរក្ស។ ក្រោយបានបញ្ចេញថ្វីដៃ គំនូរផាត់ពណ៌របស់លោកតាទទួលបានការចាប់អារម្មណ៍ពីសំណាក់មហាជន។ ជាងគំនូរចាស់វស្សា សង្ឃឹមលើប្រព័ន្ធផ្សព្វផ្សាយ ដើម្បីបន្តអាជីពចិញ្ចឹមជីវិតរបស់គាត់។