Habari za UN - Mtazamo wa Kimataifa Habari za kiutu

Katika Jarida la Habari la Umoja wa Mataifa hii leo Assumpta Massoi anakuletea-Katibu Mkuu wa Umoja wa Matafa Antonio Guterres  awapongeza walinda amani wa kikosi cha mpito nchini Lebanon UNIFIL kwa kujitolea kuhakikisha amani nchini humo-Baada ya kutangazwa muafaka wa usitishaji mapigano baina ya Israel na Hamas , raia wa Gaza wanasemaje? Utasikia hisia zao za furaha na majonzi-Makala leo inatupeleka Ghana kukutana na Angela Tabiri, mwanahisabati bora duniani na pia Mtafiti na Mhadhiri katika Chuo cha African Institute for Mathematical Sciences (AIMS) kilichoko Accra-Na mashinani tutaelekea nchini Uganda kusikia kuhusu mradi wa UNESCO unaowapatia wanafunzi stadi za teknolojia na ubunifu

Katika kujifunza lugha ya Kiswahili na hii leo mchambuzi wetu mlumbi wa Kiswahili Joramu Nkumbi kutoka nchini Tanzania, anafafanua maana ya neno “UKONAVI AU JAZUA.”  

Hii leo jaridani Mada kwa kina ambayo itatupeleka Nchini Jamhuri ya Kidemokrasia ya Congo, DRC, Umoja wa Mataifa kupitia ujumbe wake wa kulinda amani nchini humo, MONUSCO ulikabidhi wiki iliyopita kwa serikali ya jimbo la Kivu Kaskazini miradi ya kusaidia jamii kiuchumi ikilenga wapiganaji wa zamani, vijana walio katika hatari na wanawake walio katika mazingira magumu. Mradi huu uliogharimu zaidi ya dola za Kimarekani 99,582, kupitia kitengo cha MONUSCO cha kuwezesha wapiganaji kujisalimisha, kupokonywa silaha na kuwajumuisha kwenye jamii, au DDR na ulitekelezwa kwa miezi 6. Pia tunakuletea habari kwa ufupi na ufafanuzi wa maana ya neno “UKONAVI AU JAZUA”. Mwenyeji wako ni Flora Nducha, karibu!  

Kundi la waandishi wa habari 15 wanawake kutoka nchi za Afrika, ikiwemo Tanzania mwaka jana wa 2024 walitumia siku tano jijini Geneva, Uswisi kushiriki programu ya kushirikisha waandishi wa habari ili wapate uelewa wa kazi za Baraza la Umoja wa Mataifa la haki za Binadamu. Ufadhili wao ulikuwa kupitia mashirika mawili ya kiraia, Universal Rights Group (URG) na Friedrich Naumann Foundation. Wakiwa Geneva, walipata fursa ya kuzungumza mabalozi wanaowakilisha nchi zao kwenye Baraza hilo, wataalamu wa haki za binadamu, mashirika ya kiraia na waandishi wa habari ambao kituo chao cha kazi ni Baraza la Haki za Binadamu.Miongoni mwao ni Faraja Kihongole kutoka Africa Media Group Tanzania Limited. Alihojiwa na Pascal Sim, Afisa wa Mawasiliano katika Ofisi ya Umoja wa Mataifa ya Haki za Binadamu jijini Geneva kuhusu masuala kadhaa ikiwemo alichojifunza na anachoondoka nacho. Matokeo ya mahojiano hayo ndio makala ya leo inayoletwa kwako na Assumpta Massoi.

Shirika la Umoja wa Mataifa la Afya duniani, WHO, linachunguza sampuli za watu wawili kati ya wanane waliofariki dunia mkoani Kagera nchini Tanzania kubaini iwapo wamekufa kwa ugonjwa wa homa ya Marburg ambayo inashukiwa kulipuka kwenye wilaya mbili za mkoa huo ulioko kaskazini-magharibi mwa Tanzania. Selina Jerobon na maelezo zaidi.

Hii leo jaridani tunaangazia mlipuko wa ugonjwa wa marburg nchini Tanzania, na mfumo wa faya nchini humo. Makala inatupeleka nchini Geneva, Uswisi na mashinani nchini Kenya, kulikoni?Shirika la Umoja wa Mataifa la Afya duniani, WHO, linachunguza sampuli za watu wawili kati ya wanane waliofariki dunia mkoani Kagera nchini Tanzania kubaini iwapo wamekufa kwa ugonjwa wa homa ya Marburg ambayo inashukiwa kulipuka kwenye wilaya mbili za mkoa huo ulioko kaskazini-magharibi mwa Tanzania.Mfumo wa kidijitali unafadhiliwa na serikali ya Canada kupitia shirika la Umoja wa Mataifa la Kuhudumia watoto (UNICEF) nchini Tanzania umeanza kuonesha mafanikio katika kurahisisha huduma kama vile usajili wa wagonjwa, usimamizi wa maduka ya dawa na bima na kuwezesha wahudumu wa afya kujikita zaidi katika huduma.Makala inatupeleka Geneva, Uswisi ambako kwa uratibu wa Pascal Sim wa Ofisi ya Umoja wa Mataifa ya Haki za Binadamu, tunakuletea mwandishi wa habari kutoka Tanzania ambaye ni mnufaika wa ziara ya mafunzo kuhusu utendaji wa Baraza la Umoja wa Mataifa la Haki za Binadamu.Na mashinani fursa ni yake Mwanaisha Halua kutoka Kenya ambaye ni mnufaika wa mafunzo ya ukulima wa mazao rafiki wa mabadiliko ya tabianchi yanayotolewa na Shirika la Umoja wa Mataifa la Mpango wa Chakula, WFP akisema mojawapo ni viazi vitamu vya rangi ya chungwa ambavyo vina lishe bora na ni virutubisho vingi.Mwenyeji wako ni Flora Nducha, karibu!  

Mfumo wa kidijitali unafadhiliwa na serikali ya Canada kupitia shirika la Umoja wa Mataifa la Kuhudumia watoto (UNICEF) nchini Tanzania umeanza kuonesha mafanikio katika kurahisisha huduma kama vile usajili wa wagonjwa, usimamizi wa maduka ya dawa na bima na kuwezesha wahudumu wa afya kujikita zaidi katika huduma. Anold Kayanda na maelezo zaidi.

Hii leo jaridani tunakuletea mada kwa kina leo inayotupeleka Kenya kufuatilia juhudi za shirika la Umoja wa Mstaifa la mazingira UNEP na serikali ya nchi hiyo za kuichagiza jamii kuhama kutoka kwenye vyombo vya usafiri vinavyotumia mafuta yanayochafua mazingira na kukumbatia magari na vyombo vingine vya usafiri vinavyotumia nishati ya umeme. Pia tunakuletea Muhtasari wa habari na mashinani inayotupeleka nchini Sudan Kusini. Mwenyeji wako ni Assumpta Massoi, karibu!  

Nchini Uganda, shirika la Umoja wa Mataifa la Kuhudumia Watoto (UNICEF) kwa muda sasa limekuwa likifanya jukumu muhimu katika kuwezesha usajili wa watoto baada ya kuzaliwa na hata waliochelewa kusajiliwa kutokana na sababu mbalimbali. Kutokana na huduma hiyo, serikali ya Uganda inatambua kuwa idadi ya watoto waliosajiliwa imeongezeka kwa kiasi kikubwa.Kutokana na video iliyoandaliwa na UNICEF, Anold Kayanda wa Idhaa hii ameandaa makala ifuatayo. Ungana naye.

Ripoti mpya ya kila mwaka kuhusu mustakabali wa watoto ambayo imetolewa  leo na shirika la Umoja wa Mataifa la kuhudumia watoto UNICEF, imeonya kwamba dunia inaingia katika zama mpya za majanga kwa watoto . Taarifa ya Flora Nducha inafafanua zaidi