ហ្វុងគីដែលមានឪពុកម្តាយដើមកំណើតខ្មែរបានកើតនៅក្នុងប្រទេសបារាំង និងរស់នៅធំដឹងក្តីនៅក្នុងប្រទេសកាដាណា។ មានឈ្មោះពិតថា យ៉ាវ៉ាណា ហ្វុងគីធ្លាប់ជាសិល្បករគំនូរលើជញ្ជាំងតាមដងផ្លូវ ឬហៅ Graffiti នៅក្នុងទីក្រុងម៉ុងរ៉េអាល់ មុននឹងធ្វើដំណើរស្វែងរកឫសគល់ពីវប្បធម៌ប្រពៃណីខ្មែរចេញពីចម្លាក់ប្រាសាទអង្គរវត្ត។ លោកបង្កើតបានជាស្នាដៃសិល្បៈផ្ទាល់ខ្លួនថ្មីមួយ គឺគំនូរក្បាច់ដៃខ្មែរនៅលើជញ្ជាំងដែលទទួលបានការចាប់អារម្មណ៍ និងភាពល្បីល្បាញយ៉ាងខ្លាំង។ សព្វថ្ងៃ ហ្វុងគីបានក្លាយជាស្ថាបនិកវិចិត្រសាលដ៏ធំមួយឈ្មោះ FT Gallery នៅ Factory ភ្នំពេញ។