Iris Aniar

Beidh Féile an tSruthán ar siúil ag deireadh na míosa seo. Seo í an tríú bliain a mbeidh an Fhéile ar bun agus mairfidh sí cheithre lá. Beidh go leor imeachtaí ar siúl idir seoltóireacht agus Iascaireacht Farraige.

Máirtín Ó Catháin - Imirce sna 1880idí:Daragh Ó Tuama - Cúrsaí tiomána agus imeacht na Breataine:An tAthair Seán Ó Conghaile - Sagartóireacht thall sa gCóiré:Jackie Mac Donncha - Leabhar Mór na n-Amhán.

Beidh deireadh seachtaine mhór ag tarlú ag tús mhí Dheireadh Fómhair in Ionad Cuimhneacháin na nImirceach i gCarna. Beifear ag díriú ar an imirce sna 1880idí agus ar thástáil DNA. Is iad Comhairle Contae na Gaillimhe i gcomhpháirt le hIonad na nImirceach atá ag reáchtáil na hócáide seo.

Carranna, cúrsaí tiomána agus imeacht na Breataine ar leic an dorais againn. D'aon duine atá ag tiomáint ar cheadúnas tiomána de chuid na Breataine, más rud é go bhfágann an Bhreatain gan margadh a bheith déanta, d'fhéadfá a bheith curtha den bhóthar muna mbeidh do cheadúnas athraithe agat.

D'fhág an tAthair Seán Ó Conghaile, Doire Choill leathchéad bliain ó shin agus thug sé a aghaidh ar an gCóiré. Tá sé ag sagartóireacht thall sa gCóiré agus cuireann sé seirbhís comhairleoireachta ar fáil d'lánún a mbíonn fadhbanna acu leis an ól. Bhí sé sa mbaile an samhradh seo agus é ag ceiliúradh leathchéad bliain ó ornaíodh ina shagart é.

As Leabhar Mhór na n-Amhrán an tseachtain seo dhírigh Jackie ar an amhrán "Táimse ar an mBaile seo", le Máiréad Mhic Dhonncha as Rath Charin.

Seán Bán Breathnach - Craobh Iomána Mionúir na hÉireann:Ruairí Ó Neill - Scéim printíseachta:Treasa Breathnach - Cath na Ceathrún Rua:Kate Fenell - 'Crann Óg Eco Farm'.

Don tríú bliain as a chéile is iad foireann Mionúir na Gaillimhe atá ag tabhairt Craobh Iomána na hÉireann abhaile.

Tá Jack O'Donnell as Tír an Fhia ag tabhairt a aghaidh ar an Rúis inniu do Chraobh an Domhain sa bPluiméireacht. Chuir Ruairí síos ar scéim na bprintíseachta a chuireann Údarás na Gaeltachta ar fáil.

Is ar an gCéadaoin a osclófar oifigí Fibín ar an Tulach go hoifigiúil agus mar chuid den oíche oscailte sin beidh dráma á chur i láthair acu dar teideal 'Cath na Ceathrún Rua'. Chuaigh ár léiritheoir Treasa Bhreathnach soir ag oifigí Fibín, labhair sí le Máire Dineen, Eoin Geoghegan, Micheál Ó Dubhghail, Róisín Seoighe agus Philip Doherty.