Iris Aniar

Chuaigh Kate agus a hiníon Anú ag spaisteoireacht an tseachtain seo chuig feirm éiceolaíoch, 'Crann Óg Eco Farm'. Tá an fheirm beag seo suite chuig nóiméad déag ó bhaile Ghort.

Seán Kyne - Seirbhís aeir go hÁrainn:Patricia Uí Fhlatharta - Tairiscintí CAO:Marcus Ó Conghail - Inis Treabhair: Nan Tom Taimín de Búrca - Amhranaí an chlár.

An scéal is déanaí faoi tseirbhís aeir go hÁrainn. Tá Conradh tairsceanna don tseirbhís aeir go hÁrainn le fógairt sna seachtainí amach romhainn.

Fuair micléinn a gcuid tairiscintí CAO tráthnóna inné. D'fhreagair Patricia aon cheist a bhí ag éisteoirí faoi na tairiscintí agus chuir sí chuile chabhair agus comhairle ar mhicléinn.

Bhí aifreann bliantúil Inis Treabhair ar siúl Dé Máirt agus chuaigh ár dtuairisceoir Marcus Mac Conghail isteach chuig an Oileán chun blaiseadh den ócáid a fháil. Labhair sé leis an t-Athair Gearóid Ó Gríofa, Evelyn Hernon, Bridie Choilmín Val Ní Chonghaile, Pat Choilmín Ó Conghaile agus Páraic Ó Maoildhia.

Chuir Nan síos ar a saol ag éirí aníos i Ruísín na Mainíoch agus ar na hamhráin a bhíodh le cloisteáil ar leic an teallaigh agus í ina gasúr. Is ag Féile na nOileán a bhuaigh sí a céad comórtas amhránaíochta. Tá Corn Uí Riada buaite aici faoi dhó.

Pádraig S. Ó Murchú - Suíomh idirlíon digiteach:Mairéad Ní Chonaola - Spásanna ealaíne na Gaillimhe:Rua Breathnach - "Welcome to the Stranger":Kate Fennell - Cloch na Rón:Eibhlín Ní Chatháin - imeachtaí na deireadh seachtaine.

Seolfar an suíomh idirlíon digiteach atá curtha le chéile ag Ionad Cultúir agus Teanga Gineolaíochta Turas Siar, Dé Domhnaigh. Cheadaigh an Rialtas caoga míle Euro níos túisce i mbliana do Chomhairle Contae Mhaigh Eo, le digitiú ar líne a dhéanamh ar an mbéaloideasa atá bailithe sa gceantar ón mbliain 1968.

Thug Mairéad cuairt ar roinnt spásanna ealaíne timpeall na Gaillimhe an tseachtain seo. Chuaigh sí chomh fada le Lár Ionad Ealaíne na Gaillimhe, i Sráid Dominic, The Secret Garden, i Sráid Liam Thiar, Eaglais San Nioclás, i Sráid an Mhargaidh agus Seanteach na Cúirte in Uachtar Ard.

Beidh an dráma 'Welcome to the Stranger', a léiriú in Áras Inis Gluaire i mBéal an Mhuirthead an deireadh seachtaine seo. Tá an dráma bunaithe ar an méid a chonaic bean Meiriceánach in Éirinn le linn aimsir an Ghorta Mhóir.