Il manader dal district 4 da l'Uffizi da construcziun bassa, lavura gia bunamain in mez tschientaner tar il medem patrun. La fin d'avust 2022 va il Ramoschan en pensiun.

Jachen Kienz ha gia fatg l'emprendissadi tar il medem patrun, nua ch'el lavura anc oz, bunamain 50 onns pli tard. Il Ramoschan da 64 onns viva cun sia dunna a Ramosch ed è il schef d'ina squadra da 43 persunas.

Segirezza e responsabladad

Ses team è responsabel per la segirezza da las vias en l'Engiadina Bassa e la Val Müstair, ina rait da radund 200 km lunghezza. Lavur e squitsch da garantir bunas vias hajan els durant tut l'onn.

Sper sia lavur gioga la musica ina rolla centrala en la vita da Jachen Kienz ed er da sia famiglia.

En il Profil raquinta el dapli da sia vita professiunala ch'è adina stada colliada cun il chantun Grischun, ma er da sia rolla durant las inquisiziuns en connex cun las cunvegnas da pretschs en Engiadina Bassa.