Ch'ella dat en egl, sa la dunna da 44 onns. Ella giauda quai e discurra gugent da ses tattoos – ina passiun ch'ella ha gia dapi ch'ella ha 18 onns. Jeannette Dalbert-Caviezel è però er ina dunna da fatschenta. Ella maina sia atgna fatschenta da nettegiar «Casa Clean» e fa er l'administraziun per la resgia da ses um Marcus. Ins savess dir ch'ella sauta sin pliras nozzas. E sautar è lura er in da ses hobis. Cura ch'ella auda musica, na sa ella betg star salda.